തിരൂര്‍: നാലേകാല്‍ ലക്ഷം രൂപയുടെ കുഴല്‍പ്പണവുമായി യുവാവ് എക്‌സൈസ് സംഘത്തിന്റെ പിടിയില്‍. തിരൂര്‍ ബിപി അങ്ങാടി സ്വദേശി അങ്ങാടിക്കാരന്റകത്ത് അന്‍സാര്‍(27) ആണ് പിടിയിലായത്. ഇന്നലെ ഉച്ചയ്‌ക്ക് രണ്ടരയോടെ പറവണ്ണ സലഫി പളളിക്കു സമീപത്ത് വെച്ച് തിരൂര്‍ എക്‌സൈസ് സി.ഐ.വേലായുധന്‍ കുന്നത്തിന്റെ നേതൃത്വത്തിലുള്ള സംഘമാണ് യുവാവിനെ അറസ്റ്റ് ചെയ്തത്.
കുഴല്‍പ്പണം നല്‍കുന്നതിന് മറ്റൊരാളെ റോഡരികില്‍ കാത്ത് നില്‍ക്കുകയായിരുന്നു അന്‍സാര്‍. സംശയം തോന്നിയ എക്‌സൈസ് പട്രോളിംങ് സംഘം അന്‍സാറിന്റെ സ്‌കൂട്ടര്‍ പരിശോധിച്ചപ്പോഴാണ് നോട്ട് കെട്ടുകള്‍ കണ്ടെത്തിയത്. വിതരണം ചെയ്യാന്‍ പാകത്തില്‍ കെട്ടുകളാക്കിയാണ് സ്‌കൂട്ടറിന്റെ രഹസ്യ അറയില്‍ പണം സൂക്ഷിച്ചത്. 4,27,000 രൂപയും ഒരു മൊബൈല്‍ ഫോണും ഇയാളില്‍ നിന്ന് പിടിച്ചെടുത്തു.
പ്രതികരിക്കാൻ ഇവിടെ എഴുതുക: