മലമ്പുഴ:മലമ്പുഴ മണ്ഡലത്തിലെ വിവിധഭാഗങ്ങളില്‍ ബിജെപി പ്രവര്‍ത്തകര്‍ക്കുനേരെ സിപിഎം അക്രമം വ്യാപകമാകുന്നു.
അകത്തേത്തറ പഞ്ചായത്തിലെ ധോണി, പപ്പാടി, ആണ്ടിമഠം എന്നിവിടങ്ങളില്‍ കഴിഞ്ഞ കുറച്ചുദിവസങ്ങളായി സിപിഎം അക്രമം അഴിച്ചിവിട്ടിരിക്കുകയാണ്. ഉത്രാടം ദിവസം ആണ്ടിമഠത്തെ ബിജെപി മെമ്പര്‍ എ.എം.മല്ലികയുടെ വീട്ടില്‍ ഡിവൈഎഫ്‌ഐ പ്രവര്‍ത്തകര്‍ അതിക്രമിച്ചുകയറി ഭീഷണിപ്പെടുത്തുകയുണ്ടായി.
പപ്പാടി ശ്രീകൃഷ്ണക്ഷേത്രത്തിലെ ബോര്‍ഡുകളും, ശ്രീകൃഷ്ണജയന്തിയോടനുബന്ധിച്ച് സ്ഥാപിച്ച കൊടികളും നശിപ്പിച്ചു. സമാനരീതിയിലായിരുന്നു ധോണിയിലും നടന്നത്.
കഴിഞ്ഞകുറച്ച്കാലമായി സംഘപരിവാര്‍ സംഘടനകളുടെ കൊടിതോരണങ്ങളും, ഫ്‌ളക്‌സ്‌ബോര്‍ഡുകളും നശിപ്പിച്ച് അകാരണമായി പ്രദേശത്ത് സംഘര്‍ഷം സൃഷ്ടിക്കുവാനുള്ള ശ്രമമാണ് സിപിഎം നടത്തുന്നത്. പ്രദേശത്ത് രാഷ്‌ട്രീയ മുതലെടുപ്പ് നടത്തി സമാധാനന്തരീക്ഷം തകര്‍ക്കാനാണ് സിപിഎം,ഡിവൈഎഫ്‌ഐ ശ്രമിക്കുന്നതെന്ന് ബിജെപി ആരോപിച്ചു.
ബിജെപി മണ്ഡലം,പഞ്ചായത്ത് നേതാക്കളായവി.സുരേഷ് വര്‍മ, കെ.സി.സുരേഷ്, എസ്.ഷിജു,പി.സ്വാമിനാഥന്‍, പി.ഉണ്ണികൃഷ്ണന്‍ എന്നിവര്‍ സംഭവസ്ഥലങ്ങള്‍ സന്ദര്‍ശിച്ചു.തുടര്‍ന്ന് ഹേമാംബിക സ്റ്റേഷനില്‍ പരാതി നല്‍കി.
പ്രതികരിക്കാൻ ഇവിടെ എഴുതുക: