പുലാമന്തോള്‍: ഓണം പെരുന്നാള്‍ ആഘോഷത്തിരക്കിനിടയില്‍ ജനവാസകേന്ദ്രത്തിന് സമീപം കോഴിമാലിന്യം തള്ളി. മനങ്ങനാട്-പൊട്ടിപ്പാറ-കുരുവമ്പലം റോഡിലാണ് രാത്രിയുടെ മറവില്‍ കോഴിമാലിന്യം തള്ളിയത്.
കോഴി കടകളില്‍ നിന്ന് ചാക്കില്‍ കെട്ടി കൊണ്ടുവന്ന മാലിന്യം അതുപോലെ തന്നെ റോഡില്‍ ഉപക്ഷേച്ചിരിക്കുകയാണ്. പ്രദേശത്താകെ വലിയ ദുര്‍ഗന്ധമാണ് അനുഭവപ്പെട്ടത്. മാലിന്യം തള്ളിയവരെ പിടികൂടണമെന്ന് നാട്ടുകാര്‍ ആവശ്യപ്പെട്ടു.
മനങ്ങനാട് നിന്ന് കുരുവമ്പലം ഭാഗത്തേക്കുള്ള ഈ റോഡില്‍ വൈകുന്നേരമാകുന്നതോടെ തിരക്ക് കുറവാകുന്നത് സാമൂഹ്യദ്രോഹികള്‍ക്ക് ഉപകാരമാകുന്നുണ്ട്.
പ്രതികരിക്കാൻ ഇവിടെ എഴുതുക: