തിരൂര്‍: ട്രെയിന്‍ ഓടിക്കൊണ്ടിരിക്കെ അബദ്ധത്തില്‍ കാല്‍തെറ്റി യുവതി ട്രാക്കിലേക്ക് വീണു. തലയ്‌ക്ക് ഗുരുതരമായി പരിക്കേറ്റ യാത്രക്കാരിയെ ആശുപത്രിയില്‍ പ്രവേശിപ്പിച്ചു. മദ്രാസില്‍ നിന്നും മകള്‍ക്കും കൊച്ചുമകള്‍ക്കുമൊപ്പം തിരൂരിലേക്ക് വരികയായിരുന്ന മലപ്പുറം സ്വദേശിനി പണ്ടാരക്കല്‍ സുഹറാബിയാണ് ട്രെയിനില്‍ നിന്നും വീണത്. കുറ്റിപ്പുറത്തിനും തിരുന്നാവയയ്‌ക്കുമിടയിലാണ് മദ്രസ് മെയിലില്‍ നിന്നും അബദ്ധത്തില്‍ കാല്‍തെറ്റി വീണത്. സംഭവം ശ്രദ്ധയില്‍പ്പെട്ട മകളും മകളും മറ്റ് യാത്രക്കാരും ചേര്‍ന്ന് ചങ്ങല വലിച്ച് ട്രെയിന്‍ നിര്‍ത്തി സുഹറാബിയെ ഉടന്‍ തന്നെ സമീപത്തെ ആശുപത്രിയില്‍ എത്തിക്കുകയായിരുന്നു. തലയ്‌ക്ക് ഗുരുതരമായി പരുക്കേറ്റ സുഹറാബിയെ പിന്നീട് കോട്ടക്കലിലെ സ്വകാര്യ ആശുപത്രിയിലേക്ക് മാറ്റി. എന്നാല്‍ ഈ സംഭവമൊന്നും അറിയാതെ സുഹറാബിയുടെ കൊച്ചുമകള്‍ മൂന്നുവയസ്സുകാരി റിഫ യാത്ര തുടര്‍ന്നു. കൊച്ചുമകള്‍ ട്രെയിനിലുള്ള വിവരം റെയില്‍വെ ജീവനക്കാര്‍ തിരൂര്‍ റെയില്‍വെ സ്റ്റേഷനില്‍ അറിയിച്ചു. പിന്നീട് തിരൂരിലെ ആര്‍.പി.എഫ് ഉദ്യോഗസ്ഥര്‍ കൂട്ടിയെ ഏറ്റെടുത്ത് ബന്ധുക്കളെ വിവരമറിയിച്ചു.
Sunday, November 24, 2024
ട്രെയിനില്‍ നിന്ന് വീണ് യുവതിക്ക് ഗുരുതര പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: