മേലാറ്റൂര്‍: കൃഷിഭവന്റെയും ഗ്രാമപഞ്ചായത്തിന്റെയും സംയുക്താഭിമുഖ്യത്തില്‍ ആരംഭിച്ച ഓണം-ബക്രീദ് വിപണി ശ്രദ്ധേയമാകുന്നു.
ഉദ്ഘാടനത്തിന്റെ മുന്നോടിയായി വര്‍ണ്ണാഭമായ ഘോഷയാത്ര നടന്നു. മാവേലി, പുലികളി, വാദ്യമേളങ്ങള്‍ എന്നിവ ഘോഷയാത്രക്ക് മാറ്റുകൂട്ടി. സാമൂഹിക സാംസ്‌കാരിക രാഷ്‌ട്രീയ രംഗത്തെ പ്രമുഖരും നാട്ടുകാരും പങ്കാളികളായി.
തുടര്‍ന്ന് വിപണി പ്രവര്‍ത്തിക്കുന്ന ബസ് സ്റ്റാന്‍ഡ് കോംപ്ലക്‌സില്‍ നടന്ന ചടങ്ങില്‍ മാത്യൂ സെബാസ്റ്റ്യന് ഓണക്കിറ്റ് നല്‍കി പഞ്ചായത്ത് പ്രസിഡന്റ് കമലം ഉദ്ഘാടനം നിര്‍വഹിച്ചു. എ. പി. സൈനബ അദ്ധ്യക്ഷയായി. കെ.കെ.സിദ്ദിഖ്, സുഗുണപ്രകാശ്, മേലാറ്റൂര്‍ പത്മനാഭന്‍, പുതുശ്ശേരി കുഞ്ഞു, ഫാത്തിമ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: