വൈപ്പിന്‍: ഒട്ടേറെ മുങ്ങിമരണങ്ങള്‍ക്ക് സാക്ഷിയാണ് ചെറായി ബീച്ച്. സന്ദര്‍ശകരായി എത്തുന്ന അന്യനാട്ടുകാര്‍ ആവേശത്തിമിര്‍പ്പിലോ മദ്യലഹരിയിലോ കടലിന്റെ ആഴങ്ങളിലേക്കിറങ്ങുമ്പോള്‍ അപകടത്തില്‍പ്പെട്ട് മരിക്കുന്നത് നാട്ടുകാര്‍ പലവട്ടം കണ്ടിട്ടുണ്ട്. പക്ഷേ, ആദ്യമായാണ് കടലിനെ സാക്ഷിയാക്കി ഇവിടെ ഒരു കൊലപാതകം നടക്കുന്നത്.
വരാപ്പുഴ മുട്ടിനകം നടുവത്തുശ്ശേരി ഷാജിയുടെ മകള്‍ ശീതളാണ് ഇന്നലെ ബീച്ചില്‍ കൊല്ലപ്പെട്ടത്. സംഭവത്തില്‍ കോട്ടയം കറുകച്ചാല്‍ നെടുംകുന്നം പാറത്തോട്ടത്തില്‍ പ്രശാന്ത് പിടിയിലായെങ്കിലും നാട്ടുകാര്‍ ഞെട്ടലില്‍ നിന്ന് മോചിതരായിട്ടില്ല.
യുവതിയും യുവാവ് ഒരുമിച്ചാണ് ബീച്ചിലെത്തിയത്. ഒപ്പം നടക്കുന്നതിനിടെ യുവതിയോട് കണ്ണടച്ചു നില്‍ക്കാന്‍ യുവാവ് ആവശ്യപ്പെട്ടു. ഈ സമയമാണ് കുത്തേറ്റത്. നിലവിളിച്ചുകൊണ്ട് യുവതി തൊട്ടടുത്ത റിസോര്‍ട്ടിലേക്ക് ഓടിക്കയറി. റിസോര്‍ട്ട് ജീവനക്കാരും നാട്ടുകാരും ചേര്‍ന്ന് യുവതിയെ കാറില്‍ക്കയറ്റി ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല.
ചെറായി ബീച്ചില്‍ ബാര്‍ തുറന്നതിനെത്തുടര്‍ന്ന് മദ്യം കഴിക്കാനെത്തുന്നവര്‍ തമ്മില്‍ അടിപിടി പതിവായിരുന്നു. ബീച്ചിലേക്ക് സര്‍ക്കാര്‍ ഒരു പോലീസ് സ്‌റ്റേഷന്‍ അനുവദിച്ചു. സ്‌റ്റേഷന്‍ കെട്ടിടം പണി പൂര്‍ത്തിയാകുകയും ചെയ്തു.എന്നാല്‍,ഇതുവരെ പ്രവര്‍ത്തനം തുടങ്ങിയിട്ടില്ല.
പ്രതികരിക്കാൻ ഇവിടെ എഴുതുക: