ആലുവ: കൊലക്കേസ് പ്രതികളുടെ നേതൃത്വത്തില്‍ യുവാവിനെ വെട്ടികൊലപ്പെടുത്താന്‍ ശ്രമം. ആലുവ തായിക്കാട്ടുകര ശ്രീനാരായണപുരം സ്വദേശി ഷൈജു (38)വിന് നേരെയാണ് വടിവാള്‍ ആക്രമണം നടന്നത്. മൂന്നര വര്‍ഷം മുമ്പ് എടയപ്പുറം ടൗണ്‍ഷിപ്പ് റോഡില്‍ കൊല്ലപ്പെട്ട തായിക്കാട്ടുകര സ്വദേശി ഹണിയുടെ പിതൃസഹോദരന്റെ മകനാണ് ഷൈജു. ഹണിയെ കൊലപ്പെടുത്തിയ കേസിലെ രണ്ട് പ്രതികള്‍ ഉള്‍പ്പെടെ എട്ടംഗ സംഘം ഇന്നലെ രാത്രി എട്ട് മണിയോടെ എസ്.എന്‍ പുരത്താണ് ആക്രമണം നടത്തിയതെന്ന് പോലീസ് പറഞ്ഞു. നാട്ടുകാര്‍ ഓടിക്കൂടിയതോടെ പ്രതികള്‍ ബൈക്കില്‍ രക്ഷപ്പെട്ടു. കൈ ഞരമ്പ് മുറിഞ്ഞും നെഞ്ചില്‍ മുറിവേറ്റും അവശനിലയിലായ ഷൈജുവിനെ തീവ്രപരിചരണ വിഭാഗത്തില്‍ പ്രവേശിപ്പിച്ചു. ആലുവ പോലീസ് കേസെടുത്തു.
Thursday, November 28, 2024
യുവാവിനെ വെട്ടി കൊലപ്പെടുത്താന്‍ ശ്രമം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: