കല്ലൂര്‍ : നൂല്‍പ്പുഴ തേക്കുംപറ്റ കോളനിയില്‍ സിപിഎം മയക്കുമരുന്ന് മാഫിയയുടെ തേര്‍വാഴ്‌ച്ച. അഞ്ചുപേര്‍ക്ക് പരിക്കേറ്റു. ചത്തീസ്ഗഢില്‍നിന്ന് കൊണ്ടുവന്ന മയക്കുമരുന്നുകള്‍ കോളനിക്കാര്‍ക്കിടയില്‍ വില്‍പ്പന നടത്തുന്നത് തടയാന്‍ ശ്രമിച്ച ഗൃഹനാഥനേയും ഭാര്യയേയും പെണ്‍മക്കളേയും മയക്കുമരുന്ന് മാഫിയ വീട്കയറി ആക്രമിച്ച് പരിക്കേല്‍പ്പിച്ചത്.
കോളനി നിവാസിയായ ഇഞ്ചപ്പിളളില്‍ വിജയന്‍ (65), ഭാര്യ ശ്രീജ (52), ഇവരുടെ രണ്ട് മക്കള്‍, അയല്‍വാസിയായ വീട്ടമ്മ രമ (45) എന്നിവരാണ് ബത്തേരിയിലെ സ്വകാര്യ ആശുപത്രിയില്‍ ചികില്‍സയിലുളളത്.
ഞായറാഴ്ച വൈകിട്ട് ആറുമണിയോടെയായിരുന്നു ആക്രമണം. സിപിഎം പ്രവര്‍ത്തകരായ ഹാരിസ്, റൈറ്റര്‍തോമസ്, ഇസ്മയില്‍,ഷിബു, സലാവുദ്ദീന്‍ എന്നിവരാണ് ഈ ആക്രമണത്തിന് നേതൃത്വം നല്‍കിയത്. ഇവര്‍ക്കെതിരെ നാട്ടുകാര്‍ പോലീസില്‍ പരാതി നല്‍കിയിട്ടും നടപടി എടുക്കാന്‍ പോലീസ് തയ്യാറായില്ലെന്നും ആക്ഷേപമുണ്ട്.
പരാതിക്കാരെ കായികമായി വകവരുത്തുമെന്ന് ഇവര്‍ ഭീക്ഷണിപ്പെടുത്തുകയാണ്. പ്രായപൂര്‍ത്തിയായ പെണ്‍കുട്ടികള്‍ക്കും അമ്മമാര്‍ക്കും സമാധാനത്തോടെ അന്തിയുറങ്ങാന്‍ പറ്റാത്ത സാഹചര്യമാണ് ഇവിടെ നിലവിലുളളത്.
പ്രതികരിക്കാൻ ഇവിടെ എഴുതുക: