ഒറ്റപ്പാലം: പിലാത്തറയില്‍ യുവാവിന് വെട്ടേറ്റ കേസില്‍ മൂന്ന് പേര്‍ പോലീസ് പിടിയില്‍. പൂളക്കുണ്ട് അപ്പത്തുംപറമ്പില്‍ അബ്ബാസ് (26), ലെക്കിടി കാളംതൊടിവീട്ടില്‍ മുഹമ്മദ് അഫ്‌സല്‍ (24), പിലാത്തറ വലിയപറമ്പില്‍ ഹക്കീം (24) എന്നിവരെയാണ് സിഐ പി.അബ്ദുള്‍ മുനീര്‍ പിടികൂടിയത്.
കഴിഞ്ഞ ബുധനാഴ്‌ച്ച രാത്രി വീടിന് സമീപത്ത് വെച്ച് പുത്തന്‍പീടികയില്‍ റഫീഖി(38)ന് വെട്ടേറ്റകേസിലാണ് അറസ്റ്റ്. രണ്ടാഴ്‌ച്ച മുന്‍പ് ബസ് സ്റ്റാന്‍ഡിന് സമീപത്തെ സ്വകാര്യഷോപ്പിംഗ് കോംപ്ലക്‌സില്‍ അബ്ബാസിന്റെ ബൈക്കിനു മുകളില്‍ മറ്റൊരാള്‍ കയറിയിരുന്നതിനെ ചൊല്ലി വഴക്ക് നടന്നിരുന്നു. ഇതിനെ ചൊല്ലിയുള്ള വൈരാഗ്യമാണ് അബ്ബാസും, അഫ്‌സലും ചേര്‍ന്ന് റഫീഖിനെ അക്രമിച്ചതിനു പിന്നിലെന്ന് സിഐ പറഞ്ഞു.
ഹക്കീം നല്‍കിയ വിവരമനുസരിച്ചാണ് ഇരുവരും റഫീഖിനെ ആക്രമിക്കാന്‍ എത്തിയത്. കോടതിയില്‍ ഹാജരാക്കിയ ഇവരെ പൊലീസ് തെളിവെടുപ്പിനായി കസ്റ്റഡിയില്‍ വാങ്ങി. അക്രമം നടന്ന സ്ഥലത്തെത്തിച്ചു ഇന്ന് തെളിവെടുപ്പ് നടത്തും.
പ്രതികരിക്കാൻ ഇവിടെ എഴുതുക: