വാഷിംഗ്ടണ്: പാക്കിസ്ഥാനെ ഭീകരര്ക്കു സുരക്ഷിത താവളം ഒരുക്കുന്ന രാജ്യങ്ങളുടെ പട്ടികയില് ഉള്പ്പെടുത്തി യുഎസ് റിപ്പോര്ട്ട്. ബുധനാഴ്ച പുറത്തിറക്കിയ ഔദ്യോഗിക വാര്ഷിക അവലോകന റിപ്പോര്ട്ടിലാണ് ഇതു സംബന്ധിച്ച് പരാമര്ശമുള്ളത്.
2016ല് ലഷ്കര്-ഇ-ത്വയ്ബ, ജയ്ഷെ മുഹമ്മദ് പോലുള്ള തീവ്രവാദ സംഘടനകള് പാകിസ്ഥാനില് പ്രവര്ത്തിക്കുന്നുണ്ടെന്നും ഫണ്ട് ശേഖരിക്കാനും സംഘടന കെട്ടിപ്പടുക്കാനും പാക്കിസ്ഥാനെ ഉപയോഗിക്കുന്നുണ്ടെന്നും റിപ്പോര്ട്ടില് പറയുന്നു. 2016-ലെ കണക്കുകള് ആസ്പദമാക്കിയാണ് റിപ്പോര്ട്ട്.
ഇത്തരം ഭീകരാക്രമണങ്ങളുടെ ഇര ഇന്ത്യയാണെന്നും റിപ്പോര്ട്ടില് പറയുന്നുണ്ട്. പത്താന്കോട്ട് ആക്രമണത്തെക്കുറിച്ചും ഇന്ത്യയിലെ ഐഎസ് റിക്രൂട്ട്മെന്റിനെക്കുറിച്ചും ഭീകരാക്രമണ പദ്ധതികളെക്കുറിച്ചും റിപ്പോര്ട്ടില് പറയുന്നുണ്ട്.
