വല്ലാര്‍പാടം: കണ്ടെയ്‌നര്‍ ടെര്‍മിനലിലെത്തുന്ന ലോറികള്‍ക്ക് പാര്‍ക്കിങ് സൗകര്യം ഒരുക്കാത്ത സര്‍ക്കാര്‍ നിലപാടില്‍ പ്രതിഷേധിച്ച് തൊഴിലാളികള്‍ സംസ്ഥാന തുറമുഖ വകുപ്പ് മന്ത്രി കടന്നപ്പിള്ളി രാമചന്ദ്രന്റെ കോലം കത്തിച്ചു. ബിഎംഎസ് ജില്ലാ കാര്യാലയത്തില്‍ നിന്നും ആരംഭിച്ച പ്രകടനത്തിന് സി. എല്‍. അഭിലാഷ്, ജയരാജ്, സുനില്‍ സുകുമാരന്‍, അഗസ്റ്റിന്‍ ലെന്‌സന്‍ , സുമേഷ് എന്നിവര്‍ നേതൃത്വം നല്കി.
കണ്ടെയ്‌നര്‍ ടെര്‍മിനലിലെത്തുന്ന ലോറികള്‍ക്ക് പാര്‍ക്കിങ് സൗകര്യം ഒരുക്കണമെന്ന് ബിഎംഎസ്. പകരം ഡ്രൈവര്‍മാരുടെ ലൈസന്‍സ് സസ്‌പെന്‍ഡ് ചെയ്യുന്ന തരത്തിലുള്ള നടപടികളുമായി മുന്നോട്ട് പോകാനാണ് സര്‍ക്കാരിന്റെ തീരുമാനമെങ്കില്‍ ശക്തമായ സമരം നയിക്കുമെന്ന് ബിഎംഎസ് മേഖലാ പ്രസിഡന്റ് റിബിന്‍ റാംപറഞ്ഞു.
അമ്പലമുകളിലെ പെട്രോളിയം റിഫൈനറികളില്‍ പെട്രോളിയം കമ്പനികളുടെ രീതി പോര്‍ട്ടും പിന്തുടരണമെന്ന് പ്രതിഷേധ പ്രകടനത്തെ അഭിസംബോധന ചെയ്ത് എറണാകുളം ജില്ലാ ട്രെയിലര്‍ ആന്‍ഡ് കണ്ടെയ്‌നര്‍ തൊഴിലാളി സംഘത്തിന്റെ ജനറല്‍ സെക്രട്ടറി സി. എല്‍. അഭിലാഷ് അറിയിച്ചു.
പ്രതികരിക്കാൻ ഇവിടെ എഴുതുക: