സീതാര്‍കുണ്ടില്‍ പുലിയിറങ്ങി രണ്ടാടുകളെ കൊന്നു

കൊല്ലങ്കോട്: നെല്ലിയാമ്പതി വനനിരയുടെ വൃഷ്ടിപ്രദേശമായ സീതാര്‍കുണ്ട് പലകപ്പാണ്ടി പ്രദേശത്ത് പുലിയിറങ്ങി ആടുകളെ കടിച്ച് കൊന്നതായി പറയുന്നു. സിദ്ധിക്കിന്റെ ആടുകളില്‍ രണ്ടെണ്ണത്തിനെ കടിച്ചു കൊന്ന നിലയിലും ഒരെണ്ണത്തിനെ കാട്ടിലേക്ക് കൊണ്ടുപോയതായും പറയുന്നു.

ഹക്കീമിന്റെ 3 ആടുകളെയും പുലി കടിച്ചു കൊന്ന നിലയില്‍ കണ്ടെത്തിയിരുന്നു. ഒരാഴ്ചക്കുള്ളില്‍ 5 ആടുകളാണ് പുലി കടിച്ച് കൊന്ന നിലയില്‍ കണ്ടെത്തിയിട്ടും വനം വന്യജീവി വകുപ്പ് കുട് വെച്ച് പുലിയെ പിടിക്കാന്‍ വേണ്ട നടപടി സ്വീകരിക്കുന്നില്ലന്നും നാട്ടുകാര്‍ ആരോപിക്കുന്നു. കഴിഞ്ഞ വര്‍ഷം പറയമ്പള്ളത്തിനടത്ത് കെണിയില്‍ കുടുങ്ങി പുലിയെ പറമ്പിക്കുളം വനംമേഖലയില്‍ കൊണ്ടു വിട്ടിരുന്നു.