കൊല്ലങ്കോട്: ഗോവിന്ദാപുരംമംഗലം അന്തര്‍ സംസ്ഥാന പാതയില്‍ കൊല്ലങ്കോട് ബൈപാസ് തുടങ്ങാന്‍ അനുമതി ലഭിച്ചിട്ടും പ്രാരംഭ നടപടികള്‍ എങ്ങുമെത്താതെ അനിശ്ചിതത്വം തുടരുന്നു.
കൊല്ലങ്കോട് ചിക്കണാംമ്പാറ മുതല്‍ വട്ടേക്കാട് വരെയുള്ള 4.32 കിലോമീറ്റര്‍ ഗതാഗത കുരുക്കിന് പരിഹാരമാകുന്നതാണ്. കഴിഞ്ഞ സര്‍ക്കാറിന്റെ കാലത്താണ് പദ്ധതിക്ക് അനുമതി ലഭിച്ചതെങ്കിലും സര്‍വ്വേയിലൊതുങ്ങി വര്‍ഷങ്ങളായി പദ്ധതി മുടങ്ങി കിടക്കുകയാണ്.
കൊല്ലങ്കോട് വില്ലേജ് ഒന്ന്,.രണ്ട് എലവഞ്ചേരി വില്ലേജുകളിലായാണ് 14.5209 ഹെക്ടര്‍ കൃഷിഭൂമി നികത്തി വേണം ബൈപാസ് നിര്‍മ്മാണം നടത്താന്‍. കൃഷി വകുപ്പില്‍ നിന്നും റവന്യൂ വകുപ്പ് സ്ഥലം ഏറ്റെടുക്കുന്നതിനായുള്ള നടപടിക്രമങ്ങള്‍ പൂര്‍ത്തിയായെങ്കിലും വില നിശ്ചയിച്ച് സ്ഥലമുടമയ്‌ക്ക് വില നല്‍കേണ്ടത് റവന്യൂ വകുപ്പുമാണ്.
ജില്ലാ ഭരണകൂടവും റവന്യൂ വകുപ്പും പദ്ധതിക്കു വേണ്ടി ഒരു നടപടിയുമായി മുന്നോട്ടു പോകാത്തത് ആശങ്കയിലാണ്. ചന്തപ്പുര, കൊല്ലങ്കോട് ടൗണ്‍, പികെ വില്ലേജ,് ഇരഞ്ഞി മന്ദം, പൊന്നൂട്ട്പാറ, കോവിലകംമൊക്ക് എന്നിവിടങ്ങളില്‍ റോഡിന്റെ വീതി കുറവ് ഗതാഗതക്കുരുക്കിന് കാരണമാകുന്നത്.
ചരക്ക് വാഹനങ്ങളും സംസ്ഥാന അന്തര്‍ സംസ്ഥാന സര്‍വീസ് ഉള്‍പ്പെടെയുള്ള വാഹനങ്ങളും നിരവധി ചെറുവാഹനങ്ങളും ഈ പ്രദേശങ്ങളില്‍ ഗതാഗതക്കുരുക്കിന് കാരണമാകുന്നു.
ഇതിന് പരിഹാരമെന്ന നിലയിലാണ് ബൈപാസ് റോഡ് എന്ന ആവശ്യമുയര്‍ന്നത്. ബന്ധപ്പെട്ട വകുപ്പുകള്‍ പദ്ധതികള്‍ പൂര്‍ത്തിയാക്കാതെ അനങ്ങാപ്പാറനയമാണ് സ്വീകരിക്കുന്നതെന്ന പരാതി ഉയര്‍ന്നിരിക്കുകയാണ്.
പ്രതികരിക്കാൻ ഇവിടെ എഴുതുക: