വലപ്പാട്: വാഹനമോഷണകേസിലെ പ്രതിയെ വലപ്പാട് പോലീസ് അറസ്റ്റ് ചെയ്തു. മതിലകം പൊന്നാമ്പടി കോളനിയിലെ വട്ടപ്പറമ്പില് അലി അഷ്കറിനെ (19) യാണ് വലപ്പാട് എസ്ഐ ഇ.ആര്.ബൈജു, ടി.ആര്.ഷൈന്, കെ.രാജേഷ്, പി.ഡി.ഡിബീഷ് എന്നിവരടങ്ങിയ പോലീസ് സംഘം പിടികൂടിയത്.
ഇന്നലെ രാത്രി വലപ്പാട് സ്കൂള് ഗ്രൗണ്ട് പരിസരത്ത് വാഹനപരിശോധന നടത്തുന്നതിനിടയിലാണ് പ്രതി പിടിയിലായത്. വാഹനങ്ങള് മോഷണം നടത്തി പലഭാഗങ്ങളാക്കി മാറ്റി അപകടങ്ങളിലും മറ്റും പൂര്ണമായി തകര്ന്ന് ഇന്ഷൂറന്സ് കമ്പനി ടോട്ടല് ലോക് ആക്കുന്ന വാഹനങ്ങളുടെ ആര്സി ഉള്പ്പടെയുള്ള രേഖകള് വാങ്ങി മോഷണം നടത്തുന്ന വാഹനങ്ങളില് എഞ്ചിന് നമ്പറും വ്യാജായി പതിപ്പിച്ച് വാഹനങ്ങള് വില്പന നടത്തുന്ന സംഘത്തിലെ പ്രധാന കണ്ണിയാണ് ഇയാളെന്ന് പോലീസ് പറഞ്ഞു.
അപ്പോളോ ടയേഴ്സിലായിരുന്നു ഇയാള്ക്ക് ജോലി. ജോലിക്ക് പോകുമ്പോള് അപ്പോളൊ ടയേഴ്സിന് മുന്നില് വെച്ചിരുന്ന വാഹനമാണ് മറ്റൊരു പ്രതിയുമായി ചേര്ന്ന് മോഷ്ടിച്ചതെന്നാണ് പ്രതി ആദ്യം പറഞ്ഞതെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: