ചാലക്കുടി: വെറ്റിലപ്പാറയിലെ വാട്ടര് തീം പാര്ക്കില് നിന്നുള്ള മാലിന്യം ചാലക്കുടി പുഴയിലേക്ക് ഒഴുക്കുന്നതായി പരാതി. നാട്ടുകാരുടെ നേതൃത്വത്തില് പാര്ക്കിന് മുന്പില് ധര്ണ നടത്തി.
വാട്ടര് തീം പാര്ക്കിലെ വിവിധ റൈഡുകളില് നിന്നുള്ള ഉപയോഗശൂന്യമായ വെള്ളവും കാന്റീന്, റിസോര്ട്ട് തുടങ്ങിയവയില് നിന്നുള്ള മുഴുവന് മാലിന്യങ്ങളും പുഴയിലേക്ക് എത്തി ചേരുകയാണ്.ചിക്ലായി കുടിവെള്ള പദ്ധതി സ്ഥിതി ചെയ്യുന്ന പാലത്തിന് സമീപത്തേക്കാണ് വെള്ളം വന്ന് വീഴുന്നത്. നാനൂറോളം കുടുംബങ്ങള് ഉപയോഗിക്കുന്ന് കുടിവെള്ള പദ്ധതി ഇത് മൂലം മലിനമാവുകയാണെന്ന് നാട്ടുകാര് പറയുന്നു. പദ്ധതിയീലേക്ക് നേരിട്ട് പുഴയില് നിന്ന് പമ്പ് ചെയ്യുന്നതിനാല് വളരെ രൂക്ഷമായ മാലിന്യമാണ് വെള്ളത്തിന്്.
രാത്രിയുടെ മറവിലാണ് മാലിന്യം പുഴയിലേക്ക് തള്ളുന്നത്.ഇതിനെതിരെ നിരവധി പരാതികള് പാര്ക്ക് അധികൃതരോട് പറഞ്ഞെങ്കിലും നടപടികള് സ്വീകരിക്കുവാന് തയ്യാറായിട്ടില്ലെന്ന് പറയുന്നു. ചിക്ലായി ടിഎംസിയുടെ നേതൃത്വത്തിലാണ് പാര്ക്കിന് മുന്പില് ധര്ണ്ണ നടത്തിയത്.ബ്ലോക്ക് പഞ്ചായത്ത് വൈസ് പ്രസിഡന്റ് അഡ്വ.വിജു വാഴക്കാല ധര്ണ്ണ ഉദ്ഘാടനം ചെയ്തു. സി.കെ.വര്ഗ്ഗീസ് അദ്ധ്യക്ഷത വഹിച്ചു.
ചൊവ്വാഴ്ച ഡിവൈഎസിപിയുടെ നേതൃത്വത്തില് ചര്ച്ച നടത്തി പ്രശ്നത്തിന് പരിഹാരം കാണാമെന്ന് അതിരപ്പിള്ളി പോലീസ് നല്കിയ ഉറപ്പിനെ തുടര്ന്ന് നാട്ടുകാര് സമരം അവസാനിപ്പിച്ചത്.
