കാസര്‍കോട്: കേന്ദ്രീയ വിദ്യാലയത്തില്‍ ഒന്നാം ക്ലാസ്സിലേയ്‌ക്കുളള പ്രവേശന നടപടികള്‍ ആരംഭിച്ചു. എട്ടു മുതല്‍ മാര്‍ച്ച് 10 വരെ അപേക്ഷ സമര്‍പ്പിക്കാം. ഒറ്റപെണ്‍കുട്ടി, ദേശീയ അവാര്‍ഡ് നേടിയ അധ്യാപകന്റെ മക്കള്‍ തുടങ്ങിയ അഡ്മിഷന്‍ ഗൈഡ്‌ലൈന്‍സിന്റെ പാര്‍ട്ട് ബി യില്‍ പരാമര്‍ശിച്ചിരിക്കുന്ന പ്രത്യേക വിഭാഗങ്ങളിലേക്കുളള പ്രവേശനമൊഴികെ മറ്റെല്ലാ അപേക്ഷകളും ഓണ്‍ലൈനായാണ് സമര്‍പ്പിക്കേണ്ടത്. കൂടുതല്‍ വിവരങ്ങള്‍ h-ttp://darpan.kvs.gov.in എന്ന വെബ്‌സൈറ്റില്‍ ലഭിക്കും.
രണ്ടാം ക്ലാസ് മുതല്‍ 12 വവരെയുളള ക്ലാസ്സുകളിലെ ഒഴിവുളള (11 ഒഴികെ) സീറ്റിലേക്കും ഏപ്രില്‍ അഞ്ച് മുതല്‍ 18 വരെ ഓണ്‍ലൈനായി അപേക്ഷിക്കാം. 11-ാം ക്ലാസ്സിലേക്കുളള പ്രവേശനം ഒഴിവുകളുടെ ലഭ്യത അനുസരിച്ച് 10-ാം ക്ലാസിന്റെ ഫലപ്രഖ്യാപനത്തിനു ശേഷം മാത്രമെ ആരംഭിക്കുകയുളളൂ. എല്ലാ ക്ലാസ്സിലേക്കുമുളള പ്രവേശനത്തിന് പ്രായം കണക്കാക്കുന്നത് 2017 മാര്‍ച്ച് 31 അടിസ്ഥാനമാക്കിയാണ്. സംവരണം സംബന്ധിച്ചും മറ്റു വിവരങ്ങള്‍ www.kvsangathan.nic.in എന്ന വിലാസത്തില്‍ ലഭിക്കും. കൂടുതല്‍ വിവരങ്ങള്‍ക്ക് സ്‌കൂള്‍ ഓഫീസുമായി ബന്ധപ്പെടുക.
പ്രതികരിക്കാൻ ഇവിടെ എഴുതുക: