കോട്ടയം: കേരള ലോട്ടറി ഏജന്റ്സ് ഫെഡറേഷന്രെ കീഴില് ടിക്കറ്റ് വില്പ്പന നടത്തുന്ന കാഴ്ചയില്ലാത്തവരും വികലാംഗരുമായ ഏജന്റുമാര്ക്ക് അവഗണന. 1967ല് ഇടതുപക്ഷ സര്ക്കാര് സ്ഥാപിച്ച ലോട്ടറി പ്രസ്ഥാനത്തില്നിന്നും ഏജന്റുമാര്ക്ക് യാതൊരുവിധ നേട്ടങ്ങളും ലഭിക്കുന്നില്ല. സര്ക്കാരില് നിന്നും 567 രൂപയ്ക്ക് ഒരുചെറുകിട ഏജന്റിന് ഒരുകുറ്റി ടിക്കറ്റ് ലഭിക്കുമ്പോള് വന്കിട വിതരണക്കാര് 600രൂപവരെ ഈടാക്കുന്നു.
എല്ലാ ഏജന്റുമാരെയും ഒന്നായിക്കണ്ട് അവര്ക്ക് ഒരൊറ്റ കമ്മീഷന് നല്കണമെന്നാണ് ആവശ്യം. ഏജന്റുമാരുടെ ക്ഷേമനിധി ആനുകൂല്യങ്ങള് കൂട്ടുക, പൊതുസ്ഥലങ്ങളില് അന്ധരായ ഏജന്റുമാര്ക്ക് സര്ക്കാര് ചെലവില് കട പണിത് കൊടുക്കുക, അന്ധരായ ലോട്ടറി തൊഴിലാളികളുടെ മക്കള്ക്ക് വിദ്യാഭ്യാസ ആനുകൂല്യം നടപ്പാക്കുക തുടങ്ങിയ ആവശ്യങ്ങള് ഉന്നയിച്ചു മുഖ്യമന്ത്രിക്ക് നിവേദനം നല്കും.
