ഒറ്റപ്പാലം: എക്‌സൈസ് സര്‍ക്കിളിന്റെ കീഴിലെ പ്രദേശങ്ങളില്‍ ഇന്നലെ നടത്തിയ റെയ്ഡില്‍ 520 ലിറ്റര്‍ വാഷും,അര ലിറ്റര്‍ ചാരായവും വാറ്റ് ഉപകരണങ്ങളും പിടികൂടി.ചാരായം നിര്‍മ്മിക്കാന്‍ ഉപയോഗപ്പെടുത്തിയിരുന്ന രഹസ്യ സങ്കേതങ്ങളില്‍ നടത്തിയ റെയ്ഡിലാണു ഇവ പിടികൂടിയത്.
ഒറ്റപ്പാലം അമ്പലപ്പാറ, പട്ടാമ്പി വല്ലപ്പുഴ, തൃത്താല പരതൂര്‍ എന്നിവിടങ്ങളില്‍ ഒറ്റപ്പാലം എക്‌സൈസ് സി.ഐ വിനീത്കാരാണിയുടെ നേതൃത്വത്തില്‍ നടത്തിയ റെയ്ഡിലാണു ഇത് പിടിച്ചെടുത്തത്.ഇതുമായി ബന്ധപ്പെട്ട് ആരേയും അറസ്റ്റ് ചെയ്തിട്ടില്ലെന്നും വ്യാജവാറ്റു കേന്ദ്രങ്ങളില്‍ വരും ദിവസങ്ങളിലും റെയ്ഡ് തുടരുമെന്നും എക്‌സൈസ് അധികൃതര്‍ അറിയിച്ചു.
ലഹരി ഉല്പന്നങ്ങള്‍,വ്യാജവാറ്റ് എന്നിവക്കെതിരെ എക്‌സൈസ് റെയ്ഡ് ശക്തിപ്പെടുത്തിയിരിക്കുകയാണ്.പ്രിവന്റിംഗ് ഓഫീസര്‍മാരായ ഓവി സ്റ്റന്‍,രാജേഷ് കുമാര്‍, സിവില്‍ എക്‌സൈസ് ഓഫീസര്‍മാരായ കെ.പി.രാജേഷ്,ഉണ്ണി ഉഷസ്,വിനായകന്‍,സുജീഷ് റോയി,ഏലിയാസ്,ഡ്രൈവര്‍ കെ.കെ.ഷാജി എന്നിവര്‍ റെയ്ഡില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: