ബെല്ജിയം: തൊഴിലിടങ്ങളില് തട്ടം നിരോധിക്കുന്നതിനെ യൂറോപ്യന് യൂണിയന് കോടതി അംഗീകരിച്ചു. മുഖം മറയ്ക്കുന്ന തട്ടമടക്കം മത-രാഷ്ട്രീയ-താത്വിക ചിഹ്നങ്ങള് നിരോധിച്ച് കൊണ്ടും കോടതി ഉത്തരവ് പുറപ്പെടുവിച്ചു.
അതേസമയം നിരോധനം കമ്പനിയുടെ ആഭ്യന്തര വസ്ത്രധാരണ രീതിയ്ക്ക് അനുസൃതമാകണമെന്നും കോടതി വ്യക്തമാക്കിയിട്ടുണ്ട്. എല്ലാ ജീവനക്കാരും നിഷ്പക്ഷമായി വേണം വസ്ത്രം ധരിക്കാന്.
തട്ടമിട്ടെത്തിയ റിസപ്ഷനിസ്റ്റിനെ ജോലിയില് നിന്ന് പിരിച്ച് വിട്ട സംഭവത്തില് വിധി പ്രസ്താവിക്കവെയാണ് കോടതി നയം വ്യക്തമാക്കിയത്. സമീറ അച്മിത എന്ന മുസ്ലീം വനിതയാണ് കോടതിയെ സമീപിച്ചത്.
തട്ടമിട്ട് വരാന് തുടങ്ങിയതോടെ തനിയ്ക്ക് കമ്പനിയില് വിവേചനം നേരിടേണ്ടി വന്നുവെന്നും ഇവര് ആരോപിക്കുന്നു. തട്ടപ്രശ്നത്തില് കമ്പനിയ്ക്ക് അനുകൂല നിലപാട് കൈക്കൊണ്ടെങ്കിലും ഇവര്ക്ക് ആളുകളുമായി നേരിട്ട് ഇടപെടേണ്ടതില്ലാത്ത ഏതെങ്കിലും ചുമതലകളിലേക്ക് മാറ്റി നിയമനം നല്കണമെന്നും കോടതി നിര്ദേശിച്ചിട്ടുണ്ട്.
