പാലക്കാട് : സിവില്‍ സ്റ്റേഷന്‍ അങ്കണത്തില്‍ പീസ് ഫൗണ്ടേഷന്‍ ഓഫ് ഇന്ത്യയുടെ ആഭിമുഖ്യത്തില്‍ സ്ഥാപിച്ച രാഷ്‌ട്രപിതാവ് മഹാത്മാ ഗാന്ധിജിയുടെ അര്‍ധകായ പ്രതിമയുടെ അനാവരണം നിയമ-സാംസ്‌കാരിക-പട്ടികജാതി-പിന്നാക്കക്ഷേമ വകുപ്പ് മന്ത്രി എ.കെ.ബാലന്‍ നിര്‍വഹിച്ചു.
സബര്‍മതി ആശ്രമത്തിലെ മണ്ണും പ്രതിമയോടൊപ്പം സൂക്ഷിച്ചിട്ടുണ്ട്. ജില്ലാ പഞ്ചായത്ത് പ്രസി ഡന്റ് കെ.ശാന്തകുമാരി, ജില്ലാ കലക്ടര്‍ പി.മേരിക്കുട്ടി ,എ.ഡി.എം.എസ്.വിജയന്‍, ആര്‍.ടി.ഒ എന്‍.ശരവണന്‍, വാര്‍ഡ് കൗണ്‍സിലര്‍ പി.ആര്‍.സുജാത, ജോയിന്റ് ആര്‍.ടി.ഒ.മാരായ എസ്.ശിവകുമാര്‍,എം.ടി.ഡേവിസ് എന്നിവര്‍ സംസാരിച്ചു.
പീസ് ഫൗണ്ടേഷന്‍ ഓഫ് ഇന്ത്യയുടെ പ്രസിഡന്റും ഗാന്ധി പ്രചാരകനുമായ ശില്‍പി ബിജു ജോസഫ് മാവേലിക്കരയെ മന്ത്രി ആദരിച്ചു. കനറാ ബാങ്കാണ് ഗാന്ധി സ്മൃതി മണ്ഡപം സംരക്ഷിക്കുക.
കനറാ ബാങ്ക് എ.ജി.എം.കെ.എ.സിന്ധു, ഡി.എം.ആദി നാരായണന്‍, ചീഫ് മാനെജര്‍ പി.സദാനന്ദന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: