പാറശ്ശാല: റോഡ് കയ്യേറി ടൈല്സ് പാകിയത് വിവാദമാകുന്നു. പാറശ്ശാല ജംഗ്ഷനില് നിന്ന് വെള്ളറട ഭാഗത്തേക്ക് തിരിയുന്ന റോഡിലാണ് വ്യാപാരികള് ടൈല്സ് പാകി പാര്ക്കിംഗ് ഒരുക്കിയിരിക്കുന്നത്. റോഡിന്റെ സ്ഥലം അനുമതിയില്ലാതെയാണ് പാര്ക്കിംഗ് സ്ഥലമാക്കി മാറ്റിയത്. തിരക്കുള്ള പാറശ്ശാല ജംഗ്ഷന് സമീപം സ്വകാര്യ സ്ഥാപനങ്ങള് സര്ക്കാര് ഭൂമി വ്യാപകമായി കയ്യേറിയതായി ആരോപണമുണ്ട്. വര്ഷങ്ങള്ക്ക് മുമ്പ് സര്ക്കാര് രേഖയില് ചരല്ക്കളമായിരുന്ന പാറശ്ശാല ജംഗ്ഷനിലെ സ്ഥലങ്ങളെല്ലാം സമീപ വസ്തു ഉടമകളുടെ അധീനതയിലാണ്. ജംഗ്ഷനില് പ്രവര്ത്തിക്കുന്ന ഒരു സ്ഥാപനം ട്രാന്സ്ഫോര്മര് സ്ഥാപിച്ചിരിക്കുന്നത് നാട്ടുകാര് നടപ്പാതയായി ഉപയോഗിച്ചിരുന്ന സ്ഥലത്താണ്. പഞ്ചായത്ത് ഭരണസമിതികളെ സ്വാധീനിച്ചാണ് കയ്യേറ്റങ്ങള് നടത്തുന്നത്. പാറശ്ശാല ജംഗ്ഷനില് പോലും കോടികള് വിലവരുന്ന സര്ക്കാര് ഭൂമിയിലെ കയ്യേറ്റങ്ങള് ഉദ്യോഗസ്ഥര് കണ്ടില്ലെന്ന് നടിക്കുകയാണ്. സര്ക്കാര് ഭൂമിയിലെ കയ്യേറ്റങ്ങള്ക്കെതിരെ നടപടിയെടുക്കണമെന്ന ആവശ്യം ശക്തമായിട്ടുണ്ട്
പാറശ്ശാലയില് സര്ക്കാര് ഭൂമി കൈയേറി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.