കാക്കനാട്: ജില്ല ഭരണസിരാകേന്ദ്രത്തിലേക്കും ഐടി മേഖലയിലേക്കും നിത്യേന എത്തുന്ന ആയിരങ്ങളാണ് യാത്ര ക്ലേശത്തില് വലയുന്നത്. ഇടുങ്ങിയ റോഡിലൂടെ ഇഴഞ്ഞു നീങ്ങുന്ന വാഹന ങ്ങളിലെ യത്രക്കാര് ലക്ഷ്യ സ്ഥാനത്ത് എത്തുമ്പോള് മണിക്കൂറുകല് വൈകിയിരിക്കും.
ഇന്ഫൊപാര്ക്കിലെ 30,000ത്തോളം ഐ ടി ജീവനക്കാരും കൊച്ചി പ്രത്യേക സാമ്പത്തിക മേഖലയിലെ 15,000 ഓളം ജീവനക്കാരും കളക്ട്രേറ്റ് ഉള്പ്പെടെ വിവധസര്ക്കാര്,സ്വകാര്യ സ്ഥാപനങ്ങളിലേക്കുള്ള നുറുകണക്കിന് ആളുകള് അനുഭവിക്കുന്ന യാത്ര ദുരിതം ചെറുതല്ല.
കൊച്ചി നഗരത്തില് നിന്നും ഇവിടേക്കുള്ള പ്രധാന വീഥിയായ സിവില് ലൈന് റോഡ് പരിതാപകരമാണ്. സിവില് ലൈന് റോഡില് ചെമ്പ്മുക്ക് മുതല് പടമുകള് വരെയുള്ള ഭാഗങ്ങളിലാണ് കുരുക്ക് കൂടുതല്. വാഴക്കാല, പടമുകള്,ചെമ്പ്മുക്ക് ജങ്ഷനുകളിലെ പ്രധന ഇടറോഡുകള് വന്നു ചേരുന്ന കേന്ദ്രം ആയതിനാല് കുരുക്ക് കൂടുന്നു. സീപോര്ട്ട് – എയര് പോര്ട്ട് റോഡിലും സമാനമായ കുക്കില് വാഹനങ്ങല് നിരങ്ങിയാണ് നീങ്ങുന്നത്.
രാത്രി എട്ട് കഴിഞ്ഞാല് കാക്കനാട്ട് ചെന്നവര് പെട്ടു. കൊച്ചി നഗരത്തിലേക്ക് സ്വകാര്യ സംവിധാനങ്ങളെ ആശ്രയിക്കാതെ വയ്യ. ഓട്ടോറിക്ഷറിക്ഷക്കാര് വന് തുക വാങ്ങുന്നുവെന്നാണ് പരാതി.
നഗരത്തില് നിന്ന് കാക്കനാട്ടിലേക്ക രാത്രി പത്തിന് ശേഷം ബസ്സുകളില്ല. പ്രത്യേക സാമ്പത്തിക മേഖലയും ഐ.ടിയും ഉള്പ്പെടുന്ന തൊഴിലിടങ്ങളിലേക്ക് രാതി ജോലിക്ക് എത്തുന്നവരും യാതന അനുഭവിക്കുന്നു.
