പാലക്കാട്: സക്ഷമ ജില്ലാ സമ്മേളനവും ഭക്തസൂര്ദാസ് അനുസ്മരണവും ലയണ്സ് ക്ലബ്ബ് ഇന്കമിംഗ് സോണ് ചെയര്പേഴ്സണ് ആര്.ദിനേശ്കുമാര് ഉദ്ഘാടനം ചെയ്തു. സംസ്ഥാന രക്ഷാധികാരി എം.അരവിന്ദാക്ഷന് അധ്യക്ഷതവഹിച്ചു. ബാലഗോകുലം അന്താരാഷ്ട്ര ശ്രീകൃഷ്ണകേന്ദ്രം കോര്ഡിനേറ്റര് സി.സി.ശെല്വന് മുഖ്യപ്രഭാഷണം നടത്തി.
ശ്രീലങ്കയില് നിന്നും 24 രാജ്യങ്ങളിലേക്ക് കണ്ണുകള് കയറ്റി അയക്കുന്നത് മാതൃകയാക്കണമെന്നും ഇതിന് ജനങ്ങള്ക്കിടയില് ബോധവത്ക്കരണം അനിവാര്യമാണെന്നും അദ്ദേഹം പറഞ്ഞു.
സക്ഷമ സംസ്ഥാന ഉപാധ്യക്ഷന് കെ.ആര്.രഘുനാഥന് നായര്,ശ്യാം ചൈതന്യ,കെ.എല്.ബാലന്,കൗണ്സിലര് വി.നടേശന് സംസാരിച്ചു. കോര്ണിയ അന്ധത്വ മുക്തഭാരത് അഭിയാന്റെ ഭാഗമായി കോട്ടമൈതാനത്ത് നിന്നാരംഭിച്ച കണ്ണുകെട്ടി നടത്തം നഗരസഭാ ചെയര്പേഴ്സണ് പ്രമീള ശശിധരന് ഫ്ളാഗ് ഓഫ് ചെയ്തു. നേത്രദാന ബോധവത്ക്കരണവും,ദേശഭക്തിഗാനമേളയും ഉണ്ടായിരുന്നു.
