കോഴിക്കോട്: വ്യാഴാഴ്ച രാത്രിയുണ്ടായ കനത്ത മഴയിലും കാറ്റിലും ജില്ലയിലെ വിവിധ ഭാഗങ്ങളില് വന്നാശനഷ്ടം. വീടുകള് തകര്ന്നു. വന് കൃഷിനാശവുമുണ്ടായി. പലയിടങ്ങളിലും വൈദ്യുതിബന്ധം തകരാറിലായി.
ചേളന്നൂര്, കാക്കൂര് പ്രദേശങ്ങളില് വന് കൃഷിനാശമുണ്ടായി. നിരവധി വീടുകള് തകര്ന്നു. ചേളന്നൂരില് പത്തേക്കറയോളം വരുന്ന നേന്ത്രവാഴകൃഷിക്കാണ് നാശനഷ്ടമുണ്ടായത്. ഏഴായിരത്തോളം വാഴകളാണ് തകര്ന്നത്. ചേളന്നൂര്, മുതുവാട്ട്താഴം തിടമ്പാട്ടുകണ്ടിയില് സുരേഷ്കുമാര്, സദാനന്ദന് എന്നിവരുടെ വീടുകള് തകര്ന്നു. ചാലില് ഇമ്പിച്ചിബീവിയുടെ കിണര് തകര്ന്നു. വീട്ടിലെ പശുവിന് ഷോക്കേറ്റു. തലക്കുളത്തൂരില് പതിനായിരത്തോളം വാഴകളാണ് കാറ്റില് നശിച്ചത്. കക്കോടിയില് കെഎസ്ഇബിയുടെ രണ്ട് ഫീഡറുകള് തകര്ന്നു. ഈ പ്രദേശത്ത് പലയിടങ്ങളിലായി നിരവധി വൈദ്യുതകാലുകളും പൊട്ടിത്തകര്ന്നു. വ്യാഴാഴ്ച രാത്രി നിലച്ച വൈദ്യുതിബന്ധം ഇന്നലെ വൈകീട്ടാണ് പുനഃസ്ഥാപിച്ചത്.
കുറ്റ്യാടി: കഴിഞ്ഞ ദിവസം മരുതോങ്കര പഞ്ചായത്തില് ഉണ്ടായ ശക്തിയായ കാറ്റിലും മഴയിലും വീടുകള് തകര്ന്നു.വ്യാപകമായി കൃഷി നാശം സംഭവിച്ചു. മരുതോങ്കരയിലെ കച്ചേരി പൊക്കന്റെ വീടിന്റമേല് കുരയില് തെങ്ങ് പൊട്ടിവീണ് ഓട് പാകിയ മേല്ക്കൂരയില് പതിച്ച് വീടിന്റെ ഒരു ഭാഗം പൂര്ണ്ണമായി തകര്ന്നു. രോഗിയായ ഇദ്ദേഹവും ഭാര്യ ജാനകിയും രക്ഷപെട്ടത്.ഏകദേശം അഞ്ച് ലക്ഷത്തോളംരൂപ നഷ്ടം കണക്കാക്കുന്നു. മുണ്ട കുറ്റിപാറ ഭാഗം കച്ചേരിതാഴകാരണ്ടോട്ട് രവീന്ദ്രന്റെ വീടിന്റെ മുന്വശത്തെ ഞാലിമരം വീണു തകര്ന്നു. ഏകദേശം മുപ്പതിനായിരത്തോളം രൂപ നഷ്ടംടം കണക്കാക്കുന്നു. മരുതോങ്കരയിലെ കളരിക്കണ്ടി അന്ത്രുവിന്റെ വീടിന് മുകളില് മരം വീണു ഓടുകള് പൊട്ടിപ്പൊളിഞ്ഞു. മുണ്ട കുറ്റിയിലെ പുലോം വയലില് ഗോപാലകുറുപ്പിന്റെ നൂറിലധികം കുലച്ച നേന്ത്ര വാഴകള് ശക്തമായ കാറ്റില് തകര്ന്നു നിലംപൊത്തി ഏകദേശം അറുപതിനായിരത്തില്പരം രൂപ നഷ്ടം കണക്കാക്കപ്പെടുന്നു. അര്ദ്ധരാത്രിപന്ത്രണ്ട് മണിയോടടുത്ത് ആഞ്ഞടിച്ച ശക്തമായ കാറ്റും മഴയും ഇടിമിന്നലും മലയോര മേഖലയിലെ മരുതോങ്കര, കാവിലുംപാറ, കുറ്റ്യാടി പഞ്ചായത്തുകളിലെ കാര്ഷിക വിളകളായ തെങ്ങ്, കവുങ്ങ്, പ്ലാവ്, വാഴ, കര്ഷകര്ക്ക് നാശനഷ്ടങ്ങള് വരുത്തി.
ചേളന്നൂര്: ഇന്നലെ യുണ്ടായ മഴയില് ആല്മരം വീണ് കാക്കൂര് ബിഎംഎസ് ചേളന്നൂര് മേഖലാ ഓഫീസ് തകര്ന്നു. 2 ലക്ഷം രൂപയുടെ നഷ്ടം കണക്കാക്കുന്നു. വിലേജ് ഓഫീസ് ബിഎംഎസ് ജില്ലാ നേതാക്കളായ ധര്മ്മരാജ്, പ്രേമന്, പരമേ ശ്വരന്, മനോഹരന് എന്നിവര് സന്ദ ര്ശിച്ചു.
