മൊഗദിഷു: കടല്ക്കൊള്ളക്കാര് തട്ടിയെടുത്ത ഇന്ത്യന് ചരക്കുക്കപ്പല് സോമാലി സുരക്ഷ സേന മോചിപ്പിച്ചെങ്കിലും പത്ത് നാവികരില് എട്ട് പേരെ കാണാതായി. രണ്ട് നാവികര് മാത്രമെ രക്ഷപ്പെട്ടുള്ളുവെന്ന് സോമാലിയ അധികൃതര് വ്യക്തമാക്കി.
മാര്ച്ച് 31നാണ് കപ്പല് തട്ടിയെടുക്കപ്പെട്ടത്. പിന്നീടിത് ഇന്ത്യന് മാഹാസമുദ്രത്തില് യെമന് തീരത്തിന് സമീപം കണ്ടെത്തുകയായിരുന്നു. രണ്ട് നാവികരെ മാത്രമെ കണ്ടെത്തുവാനായുള്ളു. ഒരു പക്ഷേ കടല്ക്കൊള്ളക്കാര് ഇവരെ ബോട്ടില്ക്കൊണ്ട് പോയിട്ടുണ്ടാകാമെന്ന് കൊള്ളക്കാര് അധിവസിക്കുന്ന ഹോബിയോ മേഖലയിലെ ജില്ലാ കമ്മീഷണര് അബ്ദുള്ളയ് അഹമ്മദ് അലി പറഞ്ഞു.
രക്ഷപ്പെട്ട രണ്ട് പേര് ആരോഗ്യത്തോടെയിരിക്കുന്നുവെന്നും അവര് സഹപ്രവര്ത്തകരെ അന്വേഷിക്കുന്നുണ്ടെന്നും അദ്ദേഹം പറഞ്ഞു.
