ബാലുശ്ശേരി: പ്രവാസികോണ്ഗ്രസ് സംസ്ഥാന ജനറല് സെക്രട്ടറിയും കോണ്ഗ്രസ് കൂരാച്ചുണ്ട് മണ്ഡലം ജനറല് സെക്രട്ടറിയുമായ ജയന് കെ. ജോസ് കോണ്ഗ്രസില് നിന്നും രാജിവെച്ച് ബിജെപിയില് ചേര്ന്നു.
നരേന്ദ്രമോദി സര്ക്കാറിന്റെ ജനപക്ഷ വികസന നയങ്ങളിലും മതേതര കാഴ്ചപ്പാടിലും ബിജെപി ഉയര്ത്തിപിടിക്കുന്ന ഉന്നതമായ ജനാതിപത്യ മൂല്യങ്ങളിലും ആകൃഷ്ടനായാണ് രാജിയെന്ന് അദ്ദേഹം വാര്ത്താസമ്മേളനത്തില് പറഞ്ഞു. മോദി സര്ക്കാര് ജനങ്ങള് നേരിടുന്ന ബഹുമുഖമായ പ്രതിസന്ധികള് പരിഹരിച്ചുകൊണ്ട് രാജ്യത്തെ മുന്നോട്ട് നയിക്കുമ്പോള് ഇന്ത്യന് നാഷണല് കോണ്ഗ്രസ് അഴിമതിയിലും കുടുംബാധിപത്യത്തിലും മുങ്ങി നശിച്ചുകൊണ്ടിരിക്കുകയാണെന്നും കമ്മ്യൂണിസ്റ്റ് ദുര്ഭരണം കേരളത്തെ തകര്ച്ചയില് നിന്നും തകര്ച്ചയിലേക്ക് നയിച്ചുകൊണ്ടിരിക്കുകയാണെന്നും അദ്ദേഹം പറഞ്ഞു.
മോദിയുടെ ഭരണത്തില് ന്യൂനപക്ഷങ്ങള് സുരക്ഷിതരാണെന്ന് തെളിയിക്കപ്പെട്ടെന്നും എകീകൃത സിവില് കോഡ് നടപ്പിലാക്കണമെന്നും അദ്ദേഹം ആവശ്യപ്പെട്ടു.
വാര്ത്താസമ്മേളനത്തില് ബിജെപി ജില്ലാ പ്രസിഡണ്ട് ടി.പി. ജയചന്ദ്രന്, സെക്രട്ടറി അഡ്വ.കെ.വി. സുധീര്, ബാലുശ്ശേരി മണ്ഡലം പ്രസിഡണ്ട് രാജേഷ് കായണ്ണ, ജനറല് സെക്രട്ടറി ടി. സദാനന്ദന് എന്നിവര് പങ്കെടുത്തു.
