കോട്ടയം: പാത ഇരട്ടിപ്പിക്കല്‍ ജോലികളും മാവേലിക്കര, ചെങ്ങന്നൂര്‍ സ്റ്റേഷനുകള്‍ക്കിടയില്‍ രണ്ടിടത്ത് സബ്‌വേ നിര്‍മ്മാണവും നടക്കുന്നതിനാല്‍ 28ന് കോട്ടയം വഴിയുള്ള ട്രെയിനുകള്‍ക്ക് നിയന്ത്രണം ഏര്‍പ്പെടുത്തും. ചില ട്രെയിനുകള്‍ ആലപ്പുഴ വഴി തിരിച്ചുവിടും. മറ്റു ചിലത് റദ്ദാക്കും.
ബെംഗളൂരു-കന്യാകുമാരി ഐലന്റ് എക്‌സ്പ്രസ്സ്(16526), കണ്ണൂര്‍-തിരുവനന്തപുരം ജനശതാബ്ദി(12081), തിരുവനന്തപുരം-ഹൈദരാബാദ് ശബരി(17229), കന്യാകുമാരി-മുംബൈ ജയന്തി(16382), ഇരുദിശകളിലുമുള്ള കേരള എക്‌സ്പ്രസ്സ്(12625/12626) എന്നീ ട്രെയിനുകള്‍ ആലപ്പുഴ വഴി തിരിച്ചുവിടും. വഴി തിരിച്ചു വിടുന്ന വണ്ടികള്‍ക്ക് എറണാകുളം ജങ്ഷന്‍,ചേര്‍ത്തല,ആലപ്പുഴ,ഹരിപ്പാട് സ്റ്റേഷനുകളില്‍ പ്രത്യേക സ്റ്റോപ്പ് ഉണ്ടായിരിക്കും.
രാവിലെ 8.35 നുള്ള കൊല്ലം-കോട്ടയം പാസ്സഞ്ചര്‍(56394), വൈകിട്ട് 5.45നുള്ള കോട്ടയം-കൊല്ലം പാസ്സഞ്ചര്‍(56393), രാവിലെ 5.25നുള്ള എറണാകുളം-കൊല്ലം മെമു(66307), 11.10നുള്ള കൊല്ലം-എറണാകുളം മെമു(66308), 10ന് ആലപ്പുഴ വഴിയുള്ള എറണാകുളം-കായംകുളം പാസഞ്ചര്‍(56381), തിരിച്ച് ഒരു മണിക്കുള്ള കായംകുളം-എറണാകുളം പാസഞ്ചര്‍(56382) എന്നിവ പൂര്‍ണമായും റദ്ദുചെയ്യും .
പുനലൂര്‍-ഗുരുവായൂര്‍ പാസഞ്ചര്‍ ഇരുദിശകളിലും (56365/56366) കോട്ടയത്തിനും-ഗുരുവായൂരിനും ഇടയില്‍ മാത്രം സര്‍വീസ് നടത്തും. 11.30നുള്ള എറണാകുളം-കായംകുളം പാസഞ്ചര്‍(56387), തിരിച്ച് 5നുള്ള കായംകുളം-എറണാകുളം പാസ്സഞ്ചര്‍(56388) എന്നിവ കോട്ടയത്തിനും എറണാകുളത്തിനും ഇടയില്‍ മാത്രം സര്‍വീസ് നടത്തും.
പ്രതികരിക്കാൻ ഇവിടെ എഴുതുക: