ന്യൂദല്ഹി: പ്രധാനമന്ത്രി നരേന്ദ്ര മോദി പലസ്തീന് പ്രസിഡന്റ് മെഹമ്മൂദ് അബ്ബാസുമായി കൂടിക്കാഴ്ച നടത്തി. മധ്യപൂർവ്വദേശത്തെ സമാധാന, ഉഭയദിന, പ്രാദേശിക, അന്തർദേശീയ പ്രശ്നങ്ങൾ തുടങ്ങിയവ കൂടിക്കാഴ്ചയില് ചര്ച്ച ചെയ്തു.
ഇന്ത്യ-പലസ്തീന് പ്രതിനിധികളുടെ യോഗത്തിനു മുന്നോടിയായാണ് ഇരു നേതാക്കളും കൂടിക്കാഴ്ച നടത്തിയത്. ദല്ഹിയിലെ ഹൈദരാബാദ് ഹൗസില് വച്ചായിരുന്നു കൂടിക്കാഴ്ച. ഇന്ത്യയും പലസ്തീനും തമ്മിലുള്ള ഉഭയകക്ഷി സഹകരണം കൂടുതൽ ആഴത്തിലാക്കാനാണ് ഈ ചർച്ചകളുടെ ലക്ഷ്യം. ആഭ്യന്തര മന്ത്രാലയ വക്താവ് ഗോപാല് ബാഗേലിയാണ് ഇക്കാര്യങ്ങള് അറിയിച്ചത്.
നേരത്തേ, വിദേശകാര്യമന്ത്രി സുഷമ സ്വരാജ് അബ്ബാസിനെ വിളിച്ച് പലസ്തീനുള്ള ഇന്ത്യയുടെ പിന്തുണ അറിയിച്ചിരുന്നു. തിങ്കളാഴ്ച ഇന്ത്യയിലെത്തിയ പലസ്തീന് പ്രസിഡന്റിനും സംഘത്തിനും രാഷ്ട്രപതി ഭവനില് ഊഷ്മള സ്വീകരണമാണ് നല്കിയിരുന്നത്. ഇരുരാജ്യങ്ങളും തമ്മിലുള്ള നയതന്ത്രബന്ധം മെച്ചപ്പെടുത്തുന്നതിനാവശ്യമായ വിഷയങ്ങള് ചര്ച്ച ചെയ്യുമെന്ന് വിദേശകാര്യമന്ത്രി സുഷമ സ്വരാജ് കഴിഞ്ഞ ദിവസം വ്യക്തമാക്കിയിരുന്നു.
