മുക്കം: മലയോര മേഖലയില് കാട്ടുപന്നി ശല്യം രൂക്ഷമാവുന്നു. രാത്രിയെന്നോ പകലെന്നോ വ്യത്യാസമില്ലാതെ കൂട്ടമായിറങ്ങുന്ന പന്നികളുടെ ആക്രമണത്തില് ദുരിതത്തിലായിരിക്കുകയാണ് നാട്ടുകാര്. വ്യാഴാഴ്ച്ച രാവിലെ വീടിന്റെ മുറ്റത്ത് നില്ക്കുകയായിരുന്ന വലിയപറമ്പ് തോണ്ടയില് വട്ടോളി അബൂബക്കറിന് പന്നിയുടെ ആക്രമണത്തില് ഗുരുതരമായി പരിക്കേറ്റു.
മാരകമായ മുറിവേറ്റ അബൂബക്കറിനെ സ്വകാര്യ മെഡിക്കല് കോളേജില് പ്രവേശിപ്പിച്ചിരിക്കുകയാണ്.
പകല് സമയത്ത് പോലും കൂട്ടമായെത്തുന്ന കാട്ടുപന്നികള് മനുഷ്യരുടെ ജീവന് തന്നെ വലിയ ഭീഷണി യാണുയര്ത്തുന്നത്. മൂന്ന് വര്ഷം മുമ്പ് കൃഷിയിടത്തില് ജോലി ചെയ്യുകയായിരുന്ന മുരിങ്ങം പുറായി കീലത്ത് അബ്ദുസലാം കാട്ടുപന്നിയുടെ ആക്രമണത്തില് മരിച്ചിരുന്നു.
ഡി.എഫ്.ഒ , വില്ലേജ് ഓഫീസര്,തഹസില്ദാര്, പഞ്ചായത്ത് പ്രസിഡന്റ് വി.കെ.വിനോദ് തുടങ്ങിയവര് സ്ഥലം സന്ദര്ശിച്ചു.
