പന്തീരാങ്കാവ്: പിക്കപ്പ് ലോറിയില് കന്നുകാലികളെ കുത്തിനിറച്ച് കൊണ്ടുപോകുന്നത് നാട്ടുകാര് തടഞ്ഞു. ബൈപ്പാസില് കൊടല് നടക്കാവിലാണ് ഒമ്പതു കന്നുകാലികളെയും കൊണ്ടുപോകുകയായിരുന്ന വാഹനം നാട്ടുകാര് തടഞ്ഞത്. പാലക്കാട് കുഴല്മന്ദത്തു നിന്നും കന്നുകാലികളുമായി വരുന്ന വാഹനത്തിന്റെ ടയര് പഞ്ചറായതിനെതുടര്ന്നാണ് നാട്ടുകാരുടെ ശ്രദ്ധയില്പ്പെട്ടത്. ചുറ്റിലും ടാര്പോളിന് കൊണ്ടു മറച്ച വാഹനത്തിനുള്ളില് ഒന്നനങ്ങാന് പോലും കഴിയാത്ത അവസ്ഥയിലായിരുന്നു കന്നുകാലികള്. പ്ലാസ്റ്റിക് കയറുപയോഗിച്ച് തലങ്ങുംവിലങ്ങും കെട്ടിയതിനാല് കന്നുകാലികളുടെ തൊലി ഇളകി ചോര വരുന്നുണ്ടായിരുന്നു. അത്തോളിയിലേക്ക് കൊണ്ടുപോകുകയാണെന്ന് വാഹനത്തിലുണ്ടായിരുന്ന തലക്കുളത്തൂര് സ്വദേശി എം.കെ. നൗഫല് നല്ലളം പോലീസിനോട് പറഞ്ഞു. പോലീസെത്തിയതിന് ശേഷം കന്നുകാലികളെ പുറത്തിറക്കി റോഡരികില് കെട്ടിയിട്ടു. വാഹനം കസ്റ്റഡിയിലെടുത്തിട്ടുണ്ട്. കന്നുകാലികളെ കൂടുതല് വാഹനങ്ങളില് കയറ്റി നിയമാനുസൃതം കൊണ്ടുപോകുമെന്ന് പോലീസ് പറഞ്ഞു.
കന്നുകാലികളെ കുത്തിനിറച്ചു കൊണ്ടുപോകുന്നത് നാട്ടുകാര് തടഞ്ഞു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.