ഒറ്റപ്പാലം: പീഡന കേസിലെ പിടികിട്ടാപ്പുള്ളി വിദേശത്തേക്ക് കടക്കാന്‍ ശ്രമിക്കവേ വിമാന താവളത്തില്‍വെച്ച്അറസ്റ്റിലായി.
ബലാല്‍സംഗ, പട്ടികവര്‍ഗ്ഗ പീഡന കേസില്‍ ഉള്‍പ്പെട്ടു ഒളിവില്‍ കഴിയുകയായിരുന്നുപ്രതി.അമ്പലപ്പാറ സ്വദേശിനിയായ ഹരിജന്‍ യുവതിയെ 2008 ആഗസ്റ്റില്‍ പീഡിപ്പിച്ച കേസുമായിബന്ധപ്പെട്ടു ഇയാള്‍ഒളിവില്‍ കഴിയുകയായിരുന്നു.അമ്പലപ്പാറ പടിഞ്ഞാറ്റേതില്‍ മുത്തലി (37) യാണു പ്രതി.ഇയാള്‍ക്കെതിരെ ഒറ്റപ്പാലം ജെഎഫ്‌സിഎം കോടതിയില്‍ കേസുണ്ട്. കോടതിയില്‍ ഹാജരാകാത്തതിനെ തുടര്‍ന്നു പ്രതിയെ പിടികിട്ടാപ്പുള്ളിയായി കോടതി പ്രഖ്യാപിക്കുകയും, ലുക്കൗട്ട് നോട്ടീസ് പുറപ്പെടുവിക്കുകയും ചെയ്തു.
കുടകില്‍ ഒളിവില്‍ താമസിച്ചിരുന്ന പ്രതി വിദേശത്തുജോലിതരപ്പെടുത്തി കടക്കാന്‍ ശ്രമിക്കുന്നതായി പോലീസിനുലഭിച്ച വിവരത്തിന്റെ അടിസ്ഥാനത്തില്‍ അന്വേഷണം ഊര്‍ജ്ജിതമാക്കി.റിയാദിലേക്കു കടക്കാന്‍ ബാംഗ്ലൂര്‍ എയര്‍പോര്‍ട്ടിലെത്തിയ പ്രതിയെ ഒറ്റപ്പാലം എസ്.ഐ.ആദംഖാന്റെ നേതൃത്വത്തില്‍ പോലീസ് സംഘം പിടികൂടുകയായിരുന്നു.
ഒറ്റപ്പാലത്തെത്തിച്ച പ്രതിയെ കോടതിയില്‍ ഹാജരാക്കി റിമാന്റു ചെയ്തു.എഎസ്‌ഐപ്രസാദ്, സിപിഒ.മാരായ സുനില്‍കുമാര്‍, ഷിബു നെന്മാറ, ലത്തീഫ് എന്നിവര്‍ അടങ്ങിയ പോലീസ് സംഘമാണു അറസ്റ്റിനു നേതൃത്വം നല്‍കിയത്. ജില്ലാ പോലീസ് മേധാവിയുടെ പ്രത്യേക നിര്‍ദ്ദേശ പ്രകാരം ഇത്തരത്തില്‍ കൂടുതല്‍ അറസ്റ്റ് ഉണ്ടാകുമെന്നു പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: