ശ്രീരാമനവമി : രഥയാത്രയ്‌ക്ക് തുടക്കമായി

പാലക്കാട്: വിശ്വഹിന്ദു പരിഷത്ത് ജില്ലാകമ്മിറ്റിയുടെ ആഭിമുഖ്യത്തില്‍ ശ്രീരാമനവമി ആഘോഷപരിപാടികള്‍ക്ക് തുടക്കമായി. ഇന്നലെ് രാവിലെ എട്ടിന് അമേത്തിക്കര മഹാവിഷ്ണുക്ഷേത്രത്തില്‍ നിന്നും ശ്രീരാമരഥയാത്ര ആരംഭിച്ചു. രഥപ്രയാണം പ്രൊഫ.പത്മജ വേണുഗോപാല്‍ ഉദ്ഘാടനം ചെയ്തു. തൃത്താല, പട്ടാമ്പി, കുളപ്പുള്ളി, ഷൊര്‍ണൂര്‍, ഒറ്റപ്പാലം, പത്തിരപ്പാല, മണ്ണൂര്‍ വടശ്ശേരി വഴി വെള്ള റോഡില്‍ വൈകിട്ട് ഏഴിന് സമാപിക്കും.നാളെ രാവിലെ 7.30 ന് തേനൂര്‍ അത്താഴംപെറ്റക്കാവില്‍ നിന്നും ആരംഭിക്കുന്ന രഥയാത്ര പറളി ചെക്‌പോസ്റ്റ് വഴി വൈകുന്നേരം ആറിന് അഞ്ചുമൂര്‍ത്തിയില്‍ സമാപിക്കും.പത്താം തിയതിയില്‍ രാവിലെ പിരായിരിയില്‍ നിന്നും ആരംഭിക്കുന്ന രഥയാത്ര രാവിലെ 10.30 ന് മണപ്പുള്ളിക്കാവില്‍ സമാപിക്കും.