മട്ടന്നൂര്: ഇടത് സര്ക്കാര് അധികാരത്തില് വന്നതിന് ശേഷം സംസ്ഥാനത്ത് മോട്ടോര് തൊഴിലാളി ക്ഷേമനിധിയുടെ പ്രവര്ത്തനം അവതാളത്തിലാണെന്ന് ബിഎംഎസ് സംസ്ഥാന സെക്രട്ടറി ആര്.രഘുരാജ്. ബിഎംഎസ് ജില്ലാ ഓട്ടോറിക്ഷ മസകണ്ണൂര്്ദൂര് സംഘ് വാര്ഷിക സമ്മേളനത്തോടനുബന്ധിച്ച മട്ടന്നൂര് ബസ്സ് സ്റ്റാന്റ് പരിസരത്ത് നടന്ന പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോടിക്കണക്കിന് രൂപ ക്ഷേമനിധിയില് കെട്ടികിടക്കുമ്പോഴും കേവലം 200ല് താഴെ പേര്ക്ക് മാത്രമാണ് പെന്ഷന് നല്കുന്നത്. മോട്ടോര് തൊഴിലാളികള്ക്ക് ഇടതുപക്ഷ സര്ക്കാര് മരണാനന്തര സഹായം പോലും നിഷേധിക്കുകയാണെന്നും അദ്ദേഹം കുറ്റപ്പെടുത്തി. വികസനത്തെ എതിര്ക്കുക എന്നത് കമ്യൂണിസ്റ്റ് നയമാണെന്നും നരേന്ദ്ര മോദി വികസന നായകനല്ല എന്ന് പറയുന്ന പിണറായിയും കൂട്ടരും കേരളത്തിലെ കെഎസ്ആര്ടിസിയെ ലാഭത്തിലെത്തിച്ച് കാണിക്കുമോ എന്നും അദ്ദേഹം ചോദിച്ചു.
കമ്മ്യൂണിസ്റ്റ് നേതാവായ പിണറായി വിജയന് കേരളം ഭരിക്കുമ്പോള് തൊഴിലാളികളുടെ ദുരിതം ഏറിവരികയാണെന്നും അദ്ദേഹം പറഞ്ഞു. എന്.വി.സുജേഷ് അധ്യക്ഷത വഹിച്ചു. ജില്ലാ ജനറല് സെക്രട്ടറി സി.വി.തമ്പാന് പ്രസംഗിച്ചു. ഓട്ടോറിയയില് നിന്നും കളഞ്ഞുകിട്ടിയ രണ്ടരപവന് സ്വര്ണ്ണവും അമ്പതിനായിരം രൂപയും ഉടമസ്ഥര്ക്ക് തിരികെ നല്കിയ പയ്യന്നൂരിലെ ദിവാകരനെ ചടങ്ങില് ജില്ലാ സെക്രട്ടറി എം. വേണുഗോപാലന് ആദരിച്ചു. സി.വി.രാജേഷ് നന്ദി പറഞ്ഞു. രാവിലെ മട്ടന്നൂര് ശ്രീ മഹാദേവ നാളില് ബിഎംഎസ്. ജില്ലാ ജനറല് സെക്രട്ടറി സി.വി.തമ്പാന് സമ്മേളനം ഉദ്ഘാടനം ചെയ്തു. ഓട്ടോറിക്ഷ മസ്ദൂര് സംഘ് ജില്ലാ പ്രസിഡണ്ട് എം.സി.പവിത്രന് അധ്യക്ഷത വഹിച്ചു. ജനറല് സെക്രട്ടറി സി.വി.രാജേഷ് സ്വാഗതവും ലതേഷ് ബാബു നന്ദിയും പറഞ്ഞു. പുതിയ ഭാരവാഹികളായി എന്.വി.സുജേഷ് (പ്രസിഡണ്ട്) പി.പുരുഷോത്തമന് കൂത്തുപറമ്പ്, ലതേഷ് ബാബു തലശ്ശേരി, എം.സി.പവിത്രന് മട്ടന്നൂര്, വിജയകുമാര് തളിപ്പറമ്പ് (വൈസ് പ്രസിഡണ്ടുമാര്). എം.വേണുഗോപാല് (ജനറല് സെക്രട്ടറി). പി.കെ.പ്രജീഷ്, സി.വി.തമ്പാന്, പി.പി. സജിത്ത്, ഇ.രാജേഷ് (സെക്രട്ടറിമാര്). സി.വി.രാജേഷ്(ട്രഷറര്).
