പീരുമേട്: പരിശോധനയ്ക്കിടെ കുമളി ചെക്ക്പോസ്റ്റ് വെട്ടിച്ച് കടന്ന നാലംഗസംഘത്തെ എക്സൈസ് പിന്തുടര്ന്നെത്തി പിടികൂടി. പിടിയിലായത് സ്ത്രീകളടക്കം നാലുപേര്.
ആലപ്പുഴ മണ്ണംചേരി സ്വദേശികളായ പുതുവല് അനൂപ് അഷറഫ് (24), വെളുവില് ഷെഫീഖ്(27), കണ്ണൂര് തളിപ്പറമ്പ് കുഴല്കുളങ്ങര ജെസീല മൊയ്ദീന്(27), കോഴിക്കോട് കുടിവള്ളി നെരിക്കൂണി വലിയേടത്ത് ഷീബ നാരായണന് നായര്(35) എന്നിവരാണ് പീരുമേട് എക്സൈസ് സംഘത്തിന്റെ പിടിയിലായത്. മാരുതി സ്വിഫ്റ്റ് കാറില് കടത്തുകയായിരുന്ന 3.450 കിലോഗ്രാം കഞ്ചാവും പിടിച്ചെടുത്തു. ഇന്നലെ രാവിലെ 8 മണിയോടെയാണ് കഞ്ചാവുമായി നാലംഗസംഘം കുമളി ചെക്ക്പോസ്റ്റ് കടക്കാന് ശ്രമിക്കുന്നത്.
ഇവിടെ പരിശോധന നടത്തുകയായിരുന്ന എക്സൈസ് സംഘം തലനാരിഴയ്ക്കാണ് കാറിടിക്കാതെ രക്ഷപ്പെട്ടത്. ഉടന് തന്നെ പീരുമേട് സി ഐയെ വിവരം അറിയിക്കുകയായിരുന്നു.
സിഐയുടെ നേതൃത്വത്തില് സര്ക്കിളും റേഞ്ച് പാര്ട്ടിയും രണ്ടായി തിരിഞ്ഞ് കുട്ടിക്കാനത്തിന് സമീപം പരിശോധന നടത്തിയെങ്കിലും ഇവി
ടെ നിന്നും കാറിലെത്തിയ സംഘം വെട്ടിച്ച് കടക്കുകയായിരുന്നു. അമിതവേഗത്തിലാണ് വാഹനം ഇവര് ഓടിച്ചത്. പിന്നാലെ എത്തിയ എക്സൈസ് സംഘം മുണ്ടക്കയം 34-ാം മൈലില് വച്ച് കാര് പിടികൂടുകയായിരുന്നു.
ട്രാഫിക്ജാമില് പെട്ടുപോയതാണ് സംഘം കുടുങ്ങാന് കാരണമായത്. കമ്പത്ത് നിന്നും വാങ്ങിയ കഞ്ചാവ് ആലപ്പുഴയിലെ ടൂറിസം മേഖലയില് വില്ക്കുന്നതിനായാണ് കടത്തിയതെന്ന് പ്രതികള് മൊഴി നല്കിയിട്ടുണ്ട്. സംഭവത്തില് കൂടുുതല് കാര്യങ്ങള് തുറന്ന് പറയുവാന് പ്രതികള് തയ്യാറാവാത്തത് കേസ് അന്വേഷണത്തെ ബാധിക്കുന്നത്.
തങ്ങളെ കുടുക്കിയതാണെന്നാണ് സ്ത്രീകള് നല്കുന്ന മൊഴി. എന്നാല് ഇത് എക്സൈസ് മുുഖവിലയ്ക്ക് എടുത്തിട്ടില്ല.
പീരുമേട് സര്ക്കിള് ഇന്സ്പെക്ടര് സലിം വി എ, സര്ക്കിള് ഓഫീസിലെ ഇന്സ്പെക്ടര് അല്ഫോണ്സ് ജേക്കബ്, പീരുമേട് റേഞ്ച് ഇന്സ്പെക്ടര് സെബാസ്റ്റ്യന് ജോസഫ്, അഡീഷണല് ഇന്സ്പെക്ടര്മാരായ (ഗ്രേഡ്) റ്റി ചന്ദ്രന്കുട്ടി, റ്റി വി സരസപ്പന്, ഉദ്യോഗസ്ഥരായ ബിജുമോന് പി കെ, സുമോദ് പി എസ്, രാജേഷ്, ഷൈജു എന്നിവരടങ്ങിയ സംഘമാണ് സാഹസികമായി പ്രതികളെ പിടികൂടിയത്.
രാത്രി വൈകി കോടതിയില് ഹാജരാ
ക്കിയ പ്രതികളെ റിമാന്ഡ് ചെയ്തു.
