എടവക: വനവാസി വൃദ്ധന്റെ മൃതദേഹം സംസ്‌കരിക്കാനാകാതെ ബന്ധുക്കള്‍ നിന്നത് 24 മണിക്കൂര്‍.കോളനിമുറ്റത്തുള്ള ജലനിധി പദ്ധതി വഴിയുള്ള കുടിവെള്ള പൈപ്പില്‍ വെള്ളമെത്തുന്നതും കാത്ത് ഒടുവില്‍ രണ്ട് കിലോമീറ്റര്‍ അകലെ നിന്നും തലച്ചുമടായി വെള്ളമെത്തിച്ചശേഷമാണ് ആന്ത്യകര്‍മങ്ങള്‍ നടത്തി സംസ്‌കരിച്ചത്. എടവക പഞ്ചായത്തിലെ 13-ാം വാര്‍ഡില്‍പ്പെട്ട കുന്നുമംഗലം കുട്ടിക്കുടി പണിയ കോളനിയിലെ തൊപ്പി(80)യുടെ മൃതദേഹമാണ് വെള്ളമില്ലാത്തതിന്റെ പേരില്‍ സംസ്‌കരിക്കാന്‍ വൈകിയത്. കഴിഞ്ഞ ദിവസം ഉച്ചക്ക് രണ്ടു മണിയോടെയാണ് വാര്‍ദ്ധക്യസഹജമായ രോഗത്തെ തുടര്‍ന്ന തൊപ്പി മരണപ്പെട്ടത്. വൈകിട്ടോടെ ബന്ധുക്കളെത്തിയെങ്കിലും കോളനിയില്‍ കുടിക്കാന്‍ പോലും വെള്ളമുണ്ടായിരുന്നില്ല. കുന്നിന്‍മുകളിലുള്ള കോളനിക്കരികിലൊന്നും കിണറുകളോ കുളങ്ങളോ വെള്ളം ലഭിക്കുന്ന വീടുകളോ ഇല്ല. കോളനിയിലെ പതിനഞ്ചോളം വീടുകളില്‍ ജലനിധിപദ്ധതി പ്രകാരമാണ് കുടിവെള്ളമെത്തിയരുന്നത്. എന്നാല്‍ രണ്ട് ദിവസം മുമ്പ് പീച്ചങ്കോട് റോഡരികില്‍ നടത്തുന്ന നിര്‍മാണപ്രവൃത്തികള്‍ക്കിടെ കോളനിയിലേക്കുള്ള പൈപ്പ് പൊട്ടുകയും വെള്ളവിതരണം മുടങ്ങുകയും ചെയ്തിരുന്നു. ഇത് എത്രയും പെട്ടെന്ന് നന്നാക്കുമെന്നായിരുന്നു അധികൃതര്‍ അറിയിച്ചിരുന്നത്. ഇത് നന്നാക്കുന്നതും കാത്തായിരുന്നു കോളനിയിലെ ബന്ധുക്കള്‍ മൃതദേഹം സംസ്‌കരിക്കാതെ വെച്ചത്. എന്നാല്‍ ഉച്ചയായിട്ടും നന്നാക്കാത്തതോടെയാണ് ബന്ധുക്കള്‍ സംസ്‌കാര ചടങ്ങുകള്‍ക്കായി വെള്ളം തലച്ചുമടായെത്തിച്ചത്. ഇതിനിടയില്‍ െ്രെടബല്‍ പ്രമോട്ടര്‍മാരെയും വാര്‍ഡ് മെമ്പറെയും വിവരം അറിയിച്ചെങ്കിലും സഹായത്തിനാരുമെത്തിയില്ല. മുന്നു മണിയോടെ ചടങ്ങുകള്‍ക്ക് ശേഷം സാമൂഹ്യ പ്രവര്‍ത്തരും മറ്റുചിലരും ചേര്‍ന്ന് ഓട്ടോറിക്ഷയില്‍ വെള്ളമെത്തിച്ച ശേഷമാണ് കോളനിയിലെ കുട്ടികളുള്‍പ്പെടെ ഭക്ഷണവും വെള്ളവും കുടിച്ചത്. കുടിവെള്ളം വാഹനങ്ങളില്‍ എത്തിക്കാന്‍ സര്‍ക്കാര്‍ ഫണ്ടനുവദിച്ചിട്ട് പോലും മൃതദേഹത്തിന്റെ അന്ത്യ കര്‍മ്മങ്ങള്‍ക്ക് പോലും വെള്ളം ലഭ്യമാക്കാത്തതില്‍ വ്യാപക പ്രതിഷേധമുയര്‍ന്നിട്ടുണ്ട്.
Wednesday, January 15, 2025
വനവാസി വൃദ്ധന്റെ മൃതദേഹം സംസ്‌കരിക്കാനാകാതെ ബന്ധുക്കള്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: