കൊട്ടാരക്കര: ഒന്നിച്ച് പിറന്ന് ജീവിച്ച് കൊതിതീരും മുന്പേ പറന്നുപോയ സഹോദരന്റെ ചിതയടങ്ങും മുമ്പെ പത്താംക്ലാസ് പരീക്ഷയെഴുതാന് എത്തിയ അഭിരാമിയുടെ സങ്കടം മറ്റ് കുട്ടികളെയും അധ്യാപകറെയും കണ്ണീരിലാഴ്ത്തി.
നെടുവത്തൂര് ആനക്കോട്ടൂര് അഭിജിത്ത് ഭവനത്തില് സുരേഷ്-രാധാമണി ദമ്പതികളുടെ ഇരട്ടക്കുട്ടികളില് ഒരാളായ അഭിജിത്ത് കഴിഞ്ഞ ദിവസം കുന്നത്തൂരില് വച്ച് കല്ലടയാറ്റില് കുളിക്കാനിറങ്ങവെ മുങ്ങിമരിച്ചിരുന്നു. അപ്പോള് മുതല് നിലവിളി തുടങ്ങിയ അഭിരാമിയെ അഭിജിത്തിന്റെ ചിത കത്തിയെരിയാന് തുടങ്ങിയപ്പോള് അച്ഛന്റെ ജ്യേഷ്ഠന് സുദേവന് സ്വന്തം വീട്ടിലേക്ക് കൊണ്ടുപോവുകയായിരുന്നു. സുദേവന്റെ മകന് സായികൃഷ്ണയും അഭിരാമിയുടെ ക്ലാസിലാണ് പഠിക്കുന്നത്. ഇന്നലെ ഉച്ചക്ക് 12ന് സുദേവനും ഭാര്യ ഹൃദയകുമാരിയും കൂടി അഭിരാമിയെയും സായികൃഷ്ണയെയും കൂട്ടി സ്കൂളിലെത്തി. കൂട്ടുകാര് അടുത്ത് കൂടിയാല് വിഷമിക്കുമെന്നുകരുതി ഓഫീസ് മുറിയില് ഇരുത്തിയ ശേഷം പരീക്ഷ തുടങ്ങാന് നേരത്താണ് അഭിരാമിയെ പരീക്ഷാ ഹാളില് എത്തിയത്. ഹാളില് കയറിയതും സഹോദരന്റെ ഓര്മ്മയില് അഭിരാമി വിങ്ങിപൊട്ടി. പവിത്രേശ്വരം കെ.എന്.എന്.എം.വി.എച്ച്.എസ്.എസിലാണ് അഭിരാമി പരീക്ഷയെഴുതിയത്. സഹോദരന് എഴുകോണ് ടെക്നിക്കല് സ്കൂളിലെ പത്താം ക്ലാസ് വിദ്യാര്ത്ഥിയായ അഭിജിത്ത് പരീക്ഷാത്തലേന്ന് കുടുംബ ക്ഷേത്രത്തില് പ്രാര്ത്ഥിക്കാന് പോയതായിരുന്നു. അഭിരാമിയും അമ്മയും ഒന്നിച്ച് പോകാനിരുന്നതാണ്. അമ്മക്ക് തൊഴിലുറപ്പ് ജോലിക്ക് പോകേണ്ടതുള്ളതിനാല് പോകാന് കഴിഞ്ഞില്ല. അമ്മ പോകാത്തതിനാല് അഭിരാമിയും മടിച്ചു. പിതാവ് സുരേഷ് നാട്ടില് തട്ടുകട നടത്തുകയാണ്. അമ്മയുടെ കുടുംബവീട്ടിലെത്തിയ ശേഷം അമ്മാവന്റെ മകനുമൊന്നിച്ച് കല്ലടയാറ്റില് ആലുംകടവില് കുളിക്കാനിറങ്ങിയതാണ് അഭിജിത്ത്. ആഴക്കയത്തില് മുങ്ങിത്താണ് മരിക്കുകയായിരുന്നു. വനിതാകമ്മീഷന് തെളിവെടുത്തുകുണ്ടറ: പുതുച്ചിറ ഉപാസന നേഴിസിംഗ് കോളേജ് സമരത്തോടനുബന്ധിച്ച് വിദ്യാര്ത്ഥി പീഡന പരാതിയില് തെളിവെടുപ്പിനായി വനിതാ കമ്മിഷന് നേഴ്സിങ് കോളേജില് എത്തി. സംസ്ഥാന വനിതാ കമ്മീഷന് അംഗങ്ങളായ നൂര്ദ്ദിന റഷീദും ഷിജി ശിവജിയുമാണ് തെളിവെടുപ്പിനായി സമരപ്പന്തലില് എത്തിയത്. തെളിവെടുപ്പിന്റെ ഭാഗമായി വിദ്യാര്ത്ഥിനികളുടെ പ്രശ്നങ്ങള് കമ്മീഷന് അംഗങ്ങള് ചോദിച്ചറിഞ്ഞു. തുടര്ന്നു മാധ്യമങ്ങളുടെ ചോദ്യങ്ങള്ക്ക് വിദ്യാര്ത്ഥിനികള്ക്ക് പ്രിന്സിപ്പാളില് നിന്നും മാനേജുമെന്റില് നിന്നും മാനസിക പീഡനങ്ങള് ഉണ്ടായിട്ടുണ്ടെന്നും മാനേജുമെന്റ് ഹോസ്റ്റല്ഫീസും മെസ്ഫീസും ഈടാക്കിയിട്ട് അവര്ക്ക് താമസവും ഭക്ഷണവും നിഷേധിക്കുന്നത് മനുഷ്യാവകാശലംഘനമാണെന്നും വിദ്യാര്ത്ഥികള് പീഡനത്തിന് ഇരയായിട്ടുണ്ടെന്നും ബോധ്യപ്പെട്ടതിനാല് മാനേജ്മെന്റിനേയും പ്രിന്സിപ്പാലിനെയും വിളിച്ചുവരുത്തി വിശദീകരണം തേടുമെന്നും കോളേജില് മനുഷ്യാവകാശ ലംഘനം നടന്നിട്ടുണ്ടെന്നും കമ്മീഷന്അംഗങ്ങള് പറഞ്ഞു.
