തൊടുപുഴ: തൊടുപുഴ അന്നപൂര്ണ്ണേശ്വരി നവഗ്രഹ-ഭദ്രകാളി ക്ഷേത്രത്തിലെ ഉത്സവവും പൊങ്കാലയും ദ്രവ്യകലശവും മാര്ച്ച് 7 മുതല് 13 വരെ നടക്കും. ക്ഷേത്രം തന്ത്രി ബ്രഹ്മശ്രീ മനയത്താറ്റ് അനില് ദിവാകരന് നമ്പൂതിരിയും ക്ഷേത്രം മേല്ശാന്തി കൈതപ്രം നാരായണന് നമ്പൂതിരിയും മുഖ്യകാര്മ്മികത്വം വഹിക്കും.
7ന് രാവിലെ 5.30ന് പള്ളിയുണര്ത്തല്, 9ന് നവഗ്രഹപൂജ, 10.30ന് വിശേഷാല് പൂജകള്, വൈകിട്ട് 5ന് നടതുറക്കല്, 6.30ന് ദീപാരാധന, തുടര്ന്ന് ആചാര്യവരണങ്ങള്, അന്നപൂര്ണ്ണേശ്വരിയുടെയും ഭദ്രകാളിയുടെയും ശ്രീകോവിലുകള്ക്ക് ദീപാന്തശുദ്ധി, വാസ്തു പുണ്യാഹാന്തം, പ്രസാദശുദ്ധിക്രിയകള്, അത്താഴപൂജ.
8ന് രാവിലെ ക്ഷേത്രം പതിവ് പൂജകള്, 6.45ന് ബിംബശുദ്ധി കലശപൂജകള്, 9.30ന് നവഗ്രഹപൂജ, വൈകിട്ട് 6.30ന് ദീപാരാധന. 9ന് രാവിലെ 8ന് അന്നപൂര്ണ്ണേശ്വരിയുടെയും ഭദ്രകാളിയുടെയും പരികലശാഭിഷേകങ്ങള്, 9.30ന് നവഗ്രഹപൂജ, 10ന് മരപ്പാണികള്, ബ്രഹ്മകലശാഭിഷേകങ്ങള്, 11ന് പ്രസാദവിതരണം, വൈകിട്ട് 5ന് നടതുറക്കല്, 5.30ന് തൊടുപുഴ ശ്രീകൃഷ്ണസ്വാമി ക്ഷേത്രത്തില് നിന്നും താലപ്പൊലി എതിരേല്പ്പ്, തുടര്ന്ന് വിശേഷാല് ദീപാരാധന. 10ന് രാവിലെ 9ന് വിശേഷാല് നവഗ്രഹപൂജ, 10ന് വിശേഷാല് ആയില്യം പൂജ, വൈകിട്ട് 5ന് നടതുറക്കല്, 7ന് വിശേഷാല് ദീപാരാധന.
11ന് രാവിലെ 9.30ന് പൊങ്കാല, 10ന് നവഗ്രഹപൂജ, 11.30ന് പൊങ്കാല നിവേദ്യം, 12.30ന് മകംതൊഴല്, 1ന് പ്രസാദഊട്ട്, വൈകിട്ട് 5ന് നടതുറക്കല്, 7ന് വിശേഷാല് ദീപാരാധന. 12ന് രാവിലെ 9ന് നവഗ്രഹപൂജ, 11ന് വിശേഷാല് പൂജകള്, വൈകിട്ട് 5ന് നടതുറക്കല്, 5.30ന് മണക്കാട് നെല്ലിക്കാവ് ഭഗവതി ക്ഷേത്രത്തില് നിന്നും പൂരം എഴുന്നള്ളിപ്പ്, 5.45ന് മുണ്ടേക്കല്ല് സബ്സ്റ്റേഷന് സമീപം സ്പെഷ്യല് പഞ്ചാരിമേളം തുടര്ന്ന് എഴുന്നള്ളിപ്പ് ക്ഷേത്രത്തില് എത്തിച്ചേരുമ്പോള് വിശേഷാല് ദീപാരാധന. 13ന് രാവിലെ 9ന് നവഗ്രഹപൂജ, 10ന് ഉത്രം പൂജ, 11ന് വിശേഷാല് പൂജകള്, വൈകിട്ട് 5ന് നടതുറക്കല്, 6.30ന് വിശേഷാല് ദീപാരാധന എന്നിവ നടക്കുമെന്ന് ക്ഷേത്രം ഭാരവാഹികള് അറിയിച്ചു.
