കൊല്ലം: സുരക്ഷയുടെ സന്ദേശം പകര്ന്ന സുരക്ഷ രഥം കെഎംഎംഎല്ലിലെത്തി. ദേശീയസുരക്ഷിതത്വ ദിനാഘോഷത്തിന്റെ ഭാഗമായി കെഎംഎംഎല്ലിന്റേയും കേരള ഫാക്ടറീസ് ആന്റ് ബോയിലേഴ്സ്വകുപ്പിന്റെയും സംയുക്താഭിമുഖ്യത്തില് പൊതുജന ബോധവല്ക്കരണത്തിന്റെ ഭാഗമായാണ് പദ്ധതി സംഘടിപ്പിച്ചത്. എല്ലാവിധ പരിശീലന ഉപാധികളോടെയാണ് സുരക്ഷ രഥം എന്ന പേരില് വാഹനം കെഎംഎംഎല്ലില് എത്തിച്ചേര്ന്നത്. കമ്പനികളുടെ പ്രദേശവാസികളായ ജനങ്ങളെയും സ്കൂള്കുട്ടികളേയും പങ്കെടുപ്പിച്ചുള്ള സുരക്ഷ ബോധവത്ക്കരണക്ലാസ് അത്യാധുനീകസജ്ജീകരണങ്ങളുള്ള വാഹനത്തില് ആരംഭിച്ചു. ബോധവത്ക്കരണ ക്ലാസിന്റെ ഉദ്ഘാടനം കെഎംഎംഎല് മാനേജിങ് ഡയറക്ടര് കെ.കെ.റോയികുര്യന് നിര്വഹിച്ചു.
കെഎംഎംഎല്ലിലെ ഉയര്ന്ന ഉദ്യോഗസ്ഥരും ട്രേഡ് യൂണിയന് നേതാക്കന്മാരും സുരക്ഷിതത്വ ദിനാചരണക്കമ്മിറ്റി അംഗങ്ങളും സംബന്ധിച്ചു. സിയാദ്. ഡോ.ബ്രൈറ്റ് തുടങ്ങിയവരാണ് ക്ലാസുകള് നയിക്കുന്നത്. രണ്ട് ദിവസം കൂടി സുരക്ഷരഥം കെഎംഎംഎല് കോമ്പൗണ്ടില് ഉണ്ടാകും.
