കട്ടപ്പന: മതികെട്ടാന്ചോല ദേശീയോധ്യാനത്തോട് ചേര്ന്ന സ്വകാര്യ ഏലത്തോട്ടത്തില് വളര്ത്തിയിരുന്ന കഞ്ചാവ് ചെടികള് ശാന്തമ്പാറ പോലീസ് പിടികൂടി നശിപ്പിച്ചു.
പേത്തൊട്ടി സ്വദേശി മുനിയാണ്ടിയുടെ ഏലത്തോട്ടത്തില് നിന്നുമാണ് നാ
ല് മാസം പ്രായമായ 11 കഞ്ചാവ് ചെടികള് പൊലീസ് കണ്ടെത്തിയത്. ഒരു മീറ്ററോളം ഉയരം വരുന്ന ചെടികള്ക്ക് കൃത്യമായ നനയും വളപ്രയോഗവും നടത്തുന്നതായും കണ്ടെത്തി.
പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. തമിഴ്നാട്ടിലുള്ള സ്ഥലമുടമക്ക് പൊലീസ് നോട്ടീസ് അയച്ചിട്ടുണ്ട്. ശാന്തമ്പാറ അഡീ.എസ്.ഐ കെ.പി.രാധാകൃഷ്ണന്റെ നേതൃത്വത്തിലുള്ള സംഘമാണ് കഞ്ചാവ് ചെടികള് പിടികൂടിയത്.
4 മാസം മുന്പും ശാന്തമ്പാറയില് നിന്നും ഇത്തരത്തില് വീടിന് പിന്നില് വളര്ത്തിയ കഞ്ചാവ് ചെടി പോലീസ് പിടിച്ചെടുത്തിട്ടുണ്ട്. ജനവാസം കുറഞ്ഞ മേഖലയും തോട്ടങ്ങളും ആയതിനാല് പോലീസ്, എക്സൈസ് പരിശോധനകള് മേഖലയില് കുറവാണ് ഇത് മുതലെടുത്താണ് കഞ്ചാവ് വളര്ത്തുന്നതെന്നാണ് വിവരം.
ഇവിടെ പിടികൂടിയ കേസുകളെല്ലാം തന്നെയും മൂന്നിന് മുകളില് പ്രായമുള്ള കഞ്ചാവ് ചെടികളാണ്. വരും ദിവസങ്ങളിലും പരിശോധന തുടരാനുള്ള നീക്കത്തിലാണ് പോലീസ്.
