പാലക്കാട്: സംസ്ഥാന സ്‌കൂള്‍ കലോത്സവം,കായിക മത്സരം,ശാസ്ത്രമേള എന്നിവയില്‍ വിജയികളായ വിദ്യാര്‍ഥികളെയും കേരളോത്സവത്തില്‍ ജില്ലയെ പ്രതിനിധീകരിച്ച് മത്സരിച്ച് വിജയിച്ചവരെയും ജില്ലാപഞ്ചായത്ത് അനുമോദിക്കുന്നു. ഇന്ന് രാവിലെ 10ന് ടൗണ്‍ഹാളില്‍ ജില്ലാ പഞ്ചായത്ത് പ്രസിഡന്റ് കെ.ശാന്തകുമാരി ഉദ്ഘാടനം ചെയ്യും.
വിവിധ മേഖലകളിലായി നടന്ന മത്സരങ്ങളില്‍ വിജയിച്ച 1200 വിദ്യാര്‍ഥികളെയാണ് ആദരിക്കുന്നത്. സംസ്ഥാനതല മത്സരങ്ങളില്‍ കൂടുതല്‍ പോയിന്റുകള്‍ നേടിയ സ്‌കൂളുകളെയും പരിപാടിയില്‍ ആദരിക്കും.
എ ഗ്രേഡ് നേടിയ വിദ്യാര്‍ഥികള്‍ സര്‍ട്ടിഫിക്കറ്റുകളുടെ പകര്‍പ്പുമായി എത്തണമെന്നും സര്‍ട്ടിഫിക്കറ്റ് ലഭിക്കാത്തവര്‍ പ്രധാനാധ്യാപകന്റെ കത്തുമായി എത്തണമെന്നും പ്രധാനാധ്യാപകര്‍ പരിപാടിയില്‍ വിദ്യാര്‍ഥികളുടെ പ്രാതിനിധ്യം ഉറപ്പു വരുത്തണമെന്നും വിദ്യാഭ്യാസ ഡെപ്യൂട്ടി ഡയറക്ടര്‍ അറിയിച്ചു.
രാവിലെ ഒന്‍പതിന് കോട്ടമൈതാനം അഞ്ച് വിളക്കില്‍ നിന്നുംഘോഷയാത്ര ആരംഭിക്കും.
ജില്ലാപഞ്ചായത്ത് വൈസ്പ്രസി. ടി.കെ.നാരായണദാസ് അധ്യക്ഷതവഹിക്കും.സോപാന സംഗീതജ്ഞന്‍ ഞെരളത്ത് ഹരിഗോവിന്ദന്‍ മുഖ്യാതിഥിയാകും.
പ്രതികരിക്കാൻ ഇവിടെ എഴുതുക: