ബത്തേരി:ദേശീയപാത 766(212)ലെ രാത്രി യാത്രനിരോധനം നീക്കണമെന്നാവശ്യപെട്ട് ഫ്രീഡം ടു മൂവ് യുവജനകൂട്ടായിമയുടെ ്പ്രക്ഷോഭ പരിപാടികള്‍ക്ക് ഒ്പ്പുശേഖരണത്തോടെ തുടക്കമായി.ബത്തേരി മുനിസിപ്പാലിറ്റി ബസ്റ്റാന്റില്‍ നടന്ന ചടങ്ങില്‍ സംസ്ഥാനസ്‌കൂള്‍ കലോല്‍സവ പ്രതിഭകളായ നീരജ വിനയകുമാര്‍,തീര്‍്ത്ഥ രാജന്‍ എന്നിവര്‍ ആദ്യ ഒപ്പുകളിട്ട്്് സമരപരിപാടിയുടെ ആദ്യഘട്ടമായ ഒപ്പുശേഖരണത്തിന് തുടക്കംകുറിച്ചു.രണ്ട്് ലക്ഷം ഒപ്പുകള്‍ ശേഖരിച്ച്് രാത്രിയാത്ര നിരോധനം നീക്കണമെന്നാവശ്യപെട്ട്് ഒപ്പുകളടങ്ങിയ ഭീമഹര്‍ജി കേന്ദ്ര-സംസ്ഥാന സര്‍ക്കാറുകള്‍ക്ക് നല്‍കാനാണ് തീരുമാനം.കൂടാതെ പാതയുമായി ബന്ധപെട്ട കേസ് നിലനില്‍ക്കുന്ന സുപ്രീം കോടതിയില്‍ രണ്ട് ലക്ഷം ഒപ്പകളടങ്ങിയ ഹര്‍ജി കോടതിയുടെ ശ്രദ്ധയിലും കൊണ്ടും വരാനുമാണ് യുവജനകൂട്ടായിമയുടെ തീരുമാനം.ബസ് സ്റ്റാന്റില്‍ സംഘടിപ്പി്ച്ച ഒപ്പുശേഖരണത്തില്‍ വിദ്യാര്‍ത്ഥികള്‍,യുവജന സംഘടനകള്‍,യാത്രക്കാര്‍ തുടങ്ങിയവര്‍ ഒപ്പിട്ട് ഐക്യദാര്‍ഢ്യം പ്രഖ്യാപിച്ചു.ആദ്യ ദിനംതന്നെ ആയിരത്തോളം ഒപ്പുകള്‍ ശേഖരിക്കാന്‍ ഫ്രീഡം ടു മൂവിന് കഴിഞ്ഞു.ബത്തേരി റ്റു സ്‌റ്റോക്കേഴ്‌സ് മോട്ടോര്‍ സൈക്കിള്‍ ക്ലബ്ബ് ഭാരവാഹികള്‍ ഒപ്പുശേഖരണ പരിപാടിയില്‍ പങ്കെടുത്തു രേഖാമൂലം ഫ്രീഡം ടു മൂവിന്റെ പ്രവര്‍ത്തനങ്ങള്‍ക്ക് ഐക്യദാര്‍ഢ്യം പ്രഖ്യാപിച്ചു.വഴിതുറക്കു നാടിനെ രക്ഷിക്കൂ എന്ന മുദ്യാവാക്യ മുയര്‍ത്തി നടത്തുന്ന പ്രവര്‍ത്തനങ്ങള്‍ ജനങ്ങിലേക്ക് എത്തിക്കുന്നതിന്റെ ഭാഗമായി നാം ഉണരണം നാടിനെ ഉണര്‍ത്തണം എന്ന തലക്കെട്ടോടെ രാത്രി യാത്ര നിരോധന പ്രശ്‌നങ്ങള്‍ അടങ്ങിയ ലഖുലേഖകളും ഒപ്പുശേഖരണത്തോടൊപ്പം വിതരണം ചെയ്യുന്നുണ്ട്.
ഒപ്പുശേഖരണ ഉദ്ഘാടന പരിപാടിയില്‍ ഫ്രീഡം ടു മൂവ് ചെയര്‍മാന്‍ എ.കെ.ജിതൂഷ് അധ്യക്ഷത വഹിച്ചു.കണ്‍വീനര്‍ റ്റിജി ചെറുതോട്ടില്‍,കോര്‍ഡിനേറ്റര്‍ സഫീര്‍ പഴേരി,സെക്രട്ടറി പ്രശാന്ത് മലവയല്‍,ട്രഷറര്‍ സി.കെ.ആരിഫ്,സി.കെ.സമീര്‍ എന്നിവര്‍ സംസാരിച്ചു.പരിപാടിക്ക് പ്രേഷിന്ത്,വിനോദ്,പ്രതീപ് ഉഷ,യഹ്യ ചേനക്കല്‍,നദീര്‍,ശ്യാംജി്ത്ത്,വി.കെ,.സക്കരിയ്യ,കെ.പി സജു എന്നിവര്‍ നേതൃത്വം നല്‍കി.മറ്റ് സമരപരിപാടികള്‍ എന്ന നിലയ്‌ക്ക് പ്രതിഷേധ സമ്മേളനങ്ങള്‍,മനുഷ്യചങ്ങലകള്‍,ഉപരോധങ്ങള്‍ തുടങ്ങിയ പ്രത്യക്ഷസമരപരിപാടികളും ഫ്രീഡം ടു മൂവ് യൂവജനകൂട്ടായ്മ സംഘടിപ്പിക്കും
പ്രതികരിക്കാൻ ഇവിടെ എഴുതുക: