പാലാ: പൂവരണി മഹാദേവക്ഷേത്രത്തില് കൊടിയേറ്റ് നാളെ. ക്ഷേത്രത്തിലെ നിര്മ്മാണം പൂര്ത്തിയായ ചുറ്റുവിളക്കിന്റെയും ഗോപുരത്തിന്റെയും സമര്പ്പണം അന്നേദിവസം വൈകിട്ട് 5 മണിക്ക് നടക്കുമെന്ന് ക്ഷേത്രം ഭാരവാഹികള് വാര്ത്താസമ്മേളനത്തില് അറിയിച്ചു.
വൈകിട്ട് 5ന് ചുറ്റുവിളക്കിന്റെയും ഗോപുരത്തി ന്റെയും സമര്പ്പണം ചലച്ചിത്രതാരം പത്മശ്രീ മധു നിര്വ്വഹിക്കും. തുടര്ന്ന് 6ന് തൃക്കൊടിയേറ്റ്. തന്ത്രി ഭദ്രകാളി മറ്റപ്പള്ളി നാരായണന് നമ്പൂതിരിപ്പാട് മുഖ്യകാര്മ്മികത്വം വഹിക്കും. തുടര്ന്ന് നടക്കുന്ന തിരുവരങ്ങിന്റെ ഉദ്ഘാടനത്തില് നാരായണന് നമ്പൂതിരി വടക്കുംപാട്ട് അദ്ധ്യക്ഷത വഹിക്കും.
തിരുവരങ്ങിന്റെ ഉദ്ഘാടനം പത്മശ്രീ മധു നിര്വ്വഹിക്കും. കെ.ബി. ഗണേഷ്കുമാര് എം.എല്.എ. മുഖ്യപ്രഭാഷണം നിര്വ്വഹിക്കും. ബാലതാരം ബേബി മീനാക്ഷി ആശംസകള് അര്പ്പിക്കും തുടര്ന്ന് നൃത്തസന്ധ്യ.
രണ്ടു മുതല് ആറുവരെ ഉത്സവ ദിവസങ്ങളില് പതിവുചടങ്ങുകള് കൂടാത രാവിലെ 10.30ന് ഉത്സവബലി, 12.30ന് ഉത്സവബലി ദര്ശനം, വൈകിട്ട്് 5.30ന് കാഴ്ചശ്രീബലി, രാത്രി 9.30ന് വിളക്കിനെഴുന്നള്ളിപ്പ്, തിരുവരങ്ങില് ഭജന്സ്, മതപ്രഭാഷണം, ഓട്ടന്തുള്ളല്, സംഗീതാര്ച്ചന, സോപാനനൃത്തം.
ഫെബ്രുവരി 4ന് രാത്രി 7ന് നാടകം, 6ന് രാത്രി 7ന് ഹിന്ദുഐക്യവേദി അദ്ധ്യക്ഷ കെ.പി. ശശികല ടീച്ചറിന്റെ പ്രഭാഷണം. ഫെബ്രുവരി 7ന് പള്ളിവേട്ട, രാവിലെ 8 മുതല് ശ്രീബലി എഴുന്നള്ളിപ്പ്, ഇരുകോല് പഞ്ചാരിമേളം. വൈകിട്ട് 4.30ന് കാഴ്ചശ്രീബലി, വേല-സേവ, രാത്രി 8ന് നൃത്തനിശ.
ഫെബ്രുവരി 8ന് ആറാട്ട്. രാവിലെ 10.30ന് ചാക്യാര്കൂത്ത്, ഉച്ചയ്ക്ക് 1.30ന് ആറാട്ട് പുറപ്പാട്, മീനച്ചിലാറ്റിലെ പാലക്കയത്തില് ദേവന്റെ ആറാട്ട്. വൈകിട്ട് 4.30ന് തിരിച്ചെഴുന്നള്ളത്ത്, രാത്രി 7ന് മീനച്ചില് വടക്കേക്കാവില് ഇറക്കിപൂജ, 8.15ന് ആറാട്ടെതിരേല്പ്. 11ന് കൊടിയിറക്ക്.
ക്ഷേത്ര നവീകരണത്തിന്റെ ഭാഗമായി അരക്കോടി യിലേറെ രൂപയുടെ നിര്മ്മാണ പ്രവര്ത്തനങ്ങള് നടന്നതായി ഭാരവാഹികള് അറിയിച്ചു. പത്രസമ്മേളനത്തില് ശങ്കരന് നമ്പൂതിരി, സുനില്കുമാര് ആനിക്കാട്ട്, സഞ്ജീവ് കുമാര് ശ്രീഭവനം, സജി സി.വി ചെരുവില്, പി.ആര്. പത്മകുമാര് എന്നിവര് പങ്കെടുത്തു.
