മല്ലപ്പള്ളി: ക്ഷേത്ര പ്രവേശന വിളംബരസ്മാരക ശ്രീചിത്തിര തിരുനാള് സാംസ്കാരിക സമിതി സംഘടിപ്പിക്കുന്ന മല്ലപ്പള്ളി പുസ്തകമേള ബുധനാഴ്ച തുടങ്ങും.മല്ലപ്പള്ളിതിരുവല്ല റോഡിലെ വലിയപ്ലാവുങ്കല് കെട്ടിടത്തിലെ മഹാകവി വെണ്ണിക്കുളം സ്മാരക ഹാളില് ആന്റോ ആന്റണി എം.പി.യും മലയാളം മിഷന് ഡയറക്ടര് സുജ സൂസന് ജോര്ജും ചേര്ന്ന് ഉദ്ഘാടനം ചെയ്യും.
4.30ന് ചേരുന്ന ചടങ്ങില് സമിതി ചെയര്മാന് സുരേഷ് ചെറുകര അധ്യക്ഷത വഹിക്കും. 29ന് സമാപിക്കും. രാജ്യാന്തര നിലവാരത്തിലുള്ള പ്രസാദകരടക്കമുള്ള പ്രമുഖസ്ഥാപനങ്ങളുടെ സ്റ്റാളുകള് ഉണ്ടാകും. ഓരോ ദിവസവും സാഹിത്യ, സാംസ്കാരിക പ്രമുഖര് വിശിഷ്ടാതിഥികളായി എത്തുന്ന സദസ്സുകള്, കഥാ, കവിതാ സായാഹ്നങ്ങള്, കുട്ടികള്ക്കായി മത്സരങ്ങള് തുടങ്ങിയവ നടക്കും. പുസ്തകങ്ങള്ക്ക് 50 ശതമാനംവരെ വിലക്കിഴിവ് നല്കുമെന്ന് സംഘാടകര് അറിയിച്ചു.
വിദ്യാലയങ്ങള്ക്കും വായനശാലകള്ക്കും കുറഞ്ഞ നിരക്ക് ഏര്പ്പെടുത്തിയിട്ടുണ്ട്. സ്കൂളുകളിലെയും വീടുകളിലെയും ലൈബ്രറികള് പരിശോധിച്ച് മികച്ച മൂന്ന് എണ്ണത്തിന് സമ്മാനം നല്കും. പ്രവേശം സൗജന്യമാണ്. വൈസ് ചെയര്മാന്മാരായ ജേക്കബ് എം.എബ്രഹാം, എം.എം.ഖാന് റാവുത്തര്, കണ്വീനര് കുഞ്ഞുകോശി പോള് എന്നിവര് പത്രസമ്മേളനത്തില് പങ്കെടുത്തു.
