തിരുവല്ല: സാമ്പത്തിക പരിഷ്കരണ നടപടികളില് സംസ്ഥാനത്തെ ഇരുമുന്നണികളും നടത്തുന്ന കള്ളപ്രചാരണത്തിനെതിര ബിജെപി. സംസ്ഥാന ജനറല് സെക്രട്ടറി എം.ടി.രമേശ് നയിക്കുന്ന ദക്ഷിണമേഖലാ പ്രചാരണ ജാഥക്ക് ഒരുക്കങ്ങള് പൂര്ത്തിയായി.ഇന്ന് വൈകീട്ട് 5ന് തിരുവല്ല മുനിസിപ്പല് സ്റ്റേഡിയത്തില് സംസ്ഥാന അധ്യക്ഷന് കുമ്മനം രാജശേഖരന് ജില്ലയിലെ പര്യടനം ഉദ്ഘാടനം ചെയ്യും.
9ന് 3 മണിക്ക് അടൂര്, 4ന് റാന്നി ഇട്ടിയപ്പാറ, 5ന് പത്തനംതിട്ട, 6ന് കോന്നി തുടങ്ങിയ സ്ഥലങ്ങളില് സ്വീകരണം നല്കും. കോന്നിയില് സമാപന സമ്മേളനം സി.കെ.പത്മനാഭന് ഉദ്ഘാടനം ചെയ്യും. മേഖലാ പ്രചാരണ ജാഥയോട് അനുബന്ധിച്ച് വിവിധ ഇടങ്ങളില് ഒരുക്കങ്ങള് പൂര്ത്തിയായി.വിവിധ പരിവാര് പ്രസ്ഥാനങ്ങളുടെ നേതൃത്ത്വത്തില് അവസാന ഘട്ട ഗൃഹസമ്പര്ക്ക പരിപാടി നടന്നു.പരിപാടിയുടെ പ്രചാരണത്തിന്റെ ഭാഗമായി ഇന്നലെ നടന്ന ബൈക്ക് റാലിയില് ആയിരങ്ങള് അണിനിരന്നു.നിയോജകമണ്ഡലം അദ്ധ്യക്ഷന് കുറ്റൂര് പ്രസന്നകുമാര് യുവമോര്ച്ച ജില്ലാ അദ്ധ്യക്ഷന് സിബി.സാം തോട്ടത്തിന് പതാക കൈമാറിയതോടെയാണ് റാലിക്ക് തുടക്കമായത്.അനീഷ് വര്ക്കി .ഹരികൃഷ് ണന്,രാജേഷ് കൃഷ്ണ ,അനില് അപ്പു, ധനേ ഷ് എന്നിവര് നേതൃത്വം നല്കി.
സംസ്ഥാന,ജില്ലാ നേതാക്കള്ക്ക് പുറമെ വനിത ,യുവജനപ്രസ്ഥാനങ്ങളും റാലിയില് അണിനിരന്നു.ജാഥക്ക് അഭിവാദ്യം അര്പ്പിച്ച് കമാനങ്ങളും കൊടിതോരണങ്ങളും നഗരത്തിന്റെ വിവിധ ഭാഗങ്ങളില് ഒരുങ്ങികഴിഞ്ഞു.സഹകരണമേഖലാ സംരക്ഷണം, റേഷന് പ്രതിസന്ധി,കൊലപാതകരാഷ്ടീയം തുടങ്ങിയ വിഷയങ്ങളും ജാഥയില് ചര്ച്ചാവിഷയമാക്കും.
