ക്രിസ്മസ് രാവുകളില്‍ ഏറ്റവും ആകര്‍ഷകമായി അലങ്കരിക്കുന്ന ഒന്നാണ് ക്രിസ്മസ് ട്രീ. ഏവരും മത്സരിച്ച് അലങ്കരിക്കുമ്പോള്‍ അതിലെ വ്യത്യസ്തതകള്‍ കാഴ്ചകാര്‍ക്ക് ദൃശ്യാനുഭവമായി മാറും.
എന്നാല്‍ ഇംഗ്ലണ്ടിലെ ചെല്‍ട്ടണ്‍ഹാമിലെ വീട്ടിലൊരുക്കിയ ക്രിസ്മസ് ട്രീ കാഴ്ചക്കാരില്‍ കൗതുകത്തിനൊപ്പം ഞെട്ടലും ഉളവാക്കുന്നു.
സംഗതിയെന്താണെന്നറിയേണ്ടെ? സാധാരണയില്‍ നിന്ന് വിപരീതമായി കഞ്ചാവ് ചെടിയിലാണ് ഇംഗ്ലണ്ടിലെ ഈ കുടുംബം തങ്ങളുടെ ക്രിസ്മസ് ട്രീ ഒരുക്കിയത്. ഫലമോ പോലീസ് റെയ്ഡും അറസ്റ്റും. ഇംഗ്ലണ്ടിലെ ദമ്പതികള്‍ക്കാണ് അക്കിടി പറ്റിയത്.
എന്തായാലും ദമ്പതികളുടെ അറസ്റ്റ് രേഖപ്പെടുത്തിയെങ്കിലും തമാശ രൂപേണയാണ് ഇതിനോട് പോലീസ് പ്രതികരിച്ചിരിക്കുന്നത്. ക്രിസ്മസ് ട്രീയായ കഞ്ചാവ് ചെടിയുടെ പടങ്ങള്‍ ട്വിറ്ററടക്കമുള്ള സമൂഹമാധ്യമങ്ങളില്‍ പോസ്റ്റ് ചെയ്താണ് പോലീസുകാര്‍ ആഘോഷങ്ങളില്‍ പങ്കാളികളായത്.
പ്രതികരിക്കാൻ ഇവിടെ എഴുതുക: