തിരുവല്ല: എംസിറോഡില് നിര്മ്മാണ പ്രവര്ത്തനങ്ങളുടെ ഭാഗമായി എടുത്ത കുഴിയില് വാഹനങ്ങള് അപകടത്തില്പ്പെടുന്നത് പതിവാകുന്നു. തുകലശ്ശേരി ജംങ്ഷന് സമീപം ഇന്നലെ പുലര്ച്ചെ 4മണിയോടെ തടികയറ്റിവന്ന ലോറി അപകടത്തില് പ്പെട്ടു.കുളത്തൂര് പുഴയില് നിന്ന് പെരുമ്പാവൂരിലേക്ക് മാഞ്ചിയം തടി കയറ്റിവന്ന ലോറിയാണ് മറിഞ്ഞത്.അപകടത്തില് ഡ്രൈവര് നിസ്സാരപരിക്കോടെ രക്ഷപ്പെട്ടു.വാഹനം സമീപത്തെ സ്വകാര്യവ്യക്തിയുടെ മതിലിലേക്കാണ് മറിഞ്ഞത്.
നിര്മ്മാണ പ്രവര്ത്തനങ്ങളുടെ ഭാഗമായി പ്രദേശത്തെ മണ്ണ് ഉറക്കാന് വെള്ളം നിറച്ചിട്ടിരുന്നതിനാല് വഴിയും കുഴിയും തിരിച്ചറിയാന് കഴിയാത്ത അവസ്ഥയിലാണ്.ഇതേ തുടര്ന്നാണ് ഭാരംകയറ്റിവന്ന ലോറി മറിയാന് കാരണമായത്.ചെളി നിറഞ്ഞപ്രദേശത്ത് കുഴികള് അടക്കണമെന്ന് ആവശ്യപ്പെട്ട് നിരവധി തവണ അധികൃതര്ക്ക് നാട്ടുകാര് കത്ത് നല്കിയിരുന്നു.എന്നാല് വിഷയത്തില് നടപടി എടുക്കാന് അധികൃതര്ക്ക് സാധിച്ചില്ല.ഈ പ്രദേശത്ത് കഴിഞ്ഞ കുറച്ച് ദിവസങ്ങളായി ഇരുചക്രവാഹന യാത്രികര് അടക്കം അപകടത്തില് പെടുന്നത് പതിവായിരുന്നു.ചെങ്ങന്നൂര് മുതല് മൂവാറ്റുപുഴവരെ നടക്കുന്ന കെഎസ്ടിപിയുടെ രണ്ടാഘട്ട നിര്മ്മാണവുമായി ബന്ധപ്പെട്ടാണ് മരാമത്ത് പണികള് നടക്കുന്നത്.പ്രദേശത്തെ സൗകര്യകുറവും സമയബന്ധിതമായി നിര്മ്മാണം പൂര്ത്തിയാക്കാന് സാധിക്കാത്തതും അപകടങ്ങള്ക്ക് കാരണമായത്. റോഡ് പൊളിക്കുന്ന മണ്ണ് സമീപത്ത് കെട്ടികിടക്കുന്ന അവസ്ഥയിലാണ്.ഇതിനാല് ഗതാഗത കുരുക്കും പൊടിശല്യവും രൂക്ഷമായി തുടരുകയാണ്.
