കോട്ടയം: പള്ളിക്കത്തോട് അരവിന്ദ വിദ്യാമന്ദിരത്തില് സ്വാമി ഉദിത് ചൈതന്യയുടെ ശ്രീമദ് ഭാഗവത സപ്താഹ യജ്ഞം 24 മുതല് 31 വരെ നടക്കും. അരവിന്ദ ചാരിറ്റബിള് സൊസൈറ്റിയുടെ സാംസ്കാരിക വിഭാഗമായ സാരംഗിയുടേയും സേവാ വിഭാഗമായ സേവയുടേയും രജതജൂബിലിയോഘോഷങ്ങളുടെ സമാപനത്തോടനുബന്ധിച്ചാണ് സപ്താഹയജ്ഞം നടക്കുന്നത്. കുട്ടികള് ഉള്പ്പെടെ നിരവധിപേര് സപ്താഹത്തില് പങ്കെടുക്കും.
കൊട്ടിഘോഷങ്ങളില്ലാതെ കാരുണ്യപ്രവര്ത്തനങ്ങള് നടത്തിവരുന്ന സേവ യുടെ നേതൃത്വത്തില് അരവിന്ദ വിദ്യാമന്ദിരത്തിന് ചുറ്റുവട്ടമുള്ള നിരാലംബരെ സഹായിക്കുന്നതിനായി ‘കൈനീട്ടം’ പദ്ധതിക്ക് 2017 ജനുവരിയില് ആരംഭം കുറിക്കും. ഇതിലേക്ക് തുക നല്കാന് ആഗ്രഹിക്കുന്നവര്ക്ക് സപ്താഹ നഗരിയിലെ കൗണ്ടറില് പേര് നല്കാനുള്ള സൗകര്യവും സംഘാടകര് ക്രമീകരിച്ചിട്ടുണ്ട്. പി. അജയകുമാര് അദ്ധ്യക്ഷനും എസ്. അനിരുദ്ധന് ജനറല് കണ്വീനറുമായ സ്വാഗതസംഘവും അരവിന്ദ ചാരിറ്റബിള് സൊസൈറ്റി അദ്ധ്യക്ഷന് പ്രൊഫ. സി.എന്. പുരുഷോത്തമാന്, ജനറല് സെക്രട്ടറി ബി. അനില്കുമാര് എന്നിവരുടെ നേതൃത്വത്തിലുള്ള സമിതിയുമാണ് സപ്താഹയജ്ഞത്തിന് നേതൃത്വം നല്കുന്നത്.
