ചങ്ങനാശേരി: ക്രിസ്തുമസ്, പുതുവത്സര ഉത്സവകാലത്തിനു മുന്നോടിയായി ഉണ്ടാകാവുന്ന ബുദ്ധിമുട്ടുകള് ലഘുകരിക്കുന്നതിന് ജനമൈത്രി പോലീസ് സുരക്ഷാസമിതി ജാഗ്രത നിര്ദ്ദേശങ്ങള്ക്കു രൂപം നല്കി. താലൂക്കിലെ റസിഡന്റ്സ് അസോസിയേഷനുകള് ഉള്പ്പെടെയുള്ള എല്ലാ സാമൂഹിക സാംസ്കാരിക, സാമുദായിക സഘടനകളും നൈറ്റ് വിഷന് ക്യാമറ പ്രധാന കേന്ദ്രങ്ങളില് സ്ഥാപിക്കണമെന്നു നിര്ദ്ദേശിച്ചു. നഗര മദ്ധ്യത്തില് ആരംഭിക്കുന്ന കെഎസ്ടിപി യുടെ റോഡ് പുനരുദ്ധാരണ പ്രവര്ത്തനങ്ങളോടനുബന്ധിച്ച് അവശ്യമായ ട്രാഫിക് പരിഷ്കാരങ്ങളെക്കുറിച്ച് യോഗം ചര്ച്ച ചെയ്തു. നടപ്പാതകളില് അനധികൃതമായി പാര്ക് ചെയ്യുന്ന വാഹനങ്ങള്, കടകളിലെ സാധനങ്ങള് പുറത്തു ഇറക്കി വച്ച് മാര്ഗ്ഗതടസം സൃഷ്ടിക്കുന്നവര് ട്രഫിക് നിയമ ലംഘനങ്ങള് എന്നിവക്കെതിരെ ശക്തമായ ശിക്ഷ നടപടികള് സ്വീകരിക്കും. സുരക്ഷാസമിതി അംഗങ്ങളുടെ മേഖലകളില് പ്രതിമാസ യോഗങ്ങള് നടത്തി പൊതുജനങ്ങളുടെ പരാതികള് സ്വീകരിക്കുവാനും തീരുമാനിച്ചു. യോഗത്തില് പോലീസ് സുരക്ഷാ സമിതി സെക്രട്ടറി എസ്.ഐ സിബി തോമസ്, എ.എസ്.ഐ പി.എന്. രമേശ്, സുരക്ഷാ സമിതി അഗങ്ങളായ പ്രൊഫ. എസ്.ആനന്ദക്കുട്ടന്, ജി. ലക്ഷ്മണന്, സ്കറിയ ആന്റണി തുടങ്ങിയവര് പങ്കെടുത്തു.
സുരക്ഷക്കായി പോലീസിന്റെ ജാഗ്രത നിര്ദ്ദേശം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.