കോഴിക്കോട്: ഇന്നലെ ഹര്ത്താല് ദിനത്തില് കോഴിക്കോട്ടെ തെരുവീഥികളില് പൊതിച്ചോറുമായി വീണ്ടും അവരെത്തി. ഡൊണേറ്റ് ഫോര് ലൈഫ് കാലിക്കറ്റിന്റെയും (ഡിഎഫ്എല്) ഹെല്പിങ് ഹാന്ഡ് ഓര്ഗനൈസേഷന് കോഴിക്കോടിന്റെയും പ്രവര്ത്തകരാണ് ഹര്ത്താല് ദിനത്തില് ഭക്ഷണം കിട്ടാതെ കഷ്ടപ്പെടുന്നവര്ക്ക് പൊതിച്ചോറുമായി എത്തിയത്. കഴിഞ്ഞ രണ്ടുമാസത്തിനിടയില് ഇത് മൂന്നാം തവണയാണ് ഇവര് പൊതിച്ചോറുമായി തെരുവില് ഇറങ്ങുന്നത്. രക്തദാന സംഘടനയായ ഡിപിഎല്ലും ചാരിറ്റി സംഘടനയായ എച്ച്എച്ച്ഒയും സംയുക്തമായി 250 പൊതിച്ചോറുകള് എല്ലാ ഹര്ത്താല് ദിനങ്ങളിലും തെരുവില് ഭക്ഷണം കിട്ടാതെ വലയുന്നവര്ക്കായി നല്കാറുണ്ട്. വിശന്നിരിക്കുന്ന ഒരാള്ക്ക് ഭക്ഷണം നല്കുന്നതിനെക്കാള് വലിയ പുണ്യകര്മ്മമില്ല എന്ന വിശ്വാസമാണ് വീണ്ടും വീണ്ടും പൊതിച്ചോറുകളുമായി വരാന് ഇവരെ പ്രേരിപ്പിക്കുന്നത്.
പൊതിച്ചോറുമായി വീണ്ടും അവരെത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.