കണ്ണൂര്: ശ്രീനാരായണ ഗുരു 1919 ഏപ്രില് 11ന് പ്രതിഷ്ഠ നടത്തിയ കണ്ണൂര് ശ്രീ സുന്ദരേശ്വര ക്ഷേത്രത്തിന്റെ ശതാബ്ദി ആഘോഷത്തിന്റെ ഭാഗമായുള്ള താന്ത്രിക കര്മ്മങ്ങള് 29ന് ആരംഭിക്കും. ശിവഗിരി മഠം ധര്മ്മ സംഘം ട്രസ്റ്റ് പ്രസിഡണ്ട് പ്രകാശാനന്ദ സ്വാമികള്, സെക്രട്ടറി ഋതംബരാനന്ദ സ്വാമികള്, രാഗേഷ് തന്ത്രി, എന്നിവരുടെ കാര്മ്മികത്വത്തിലാണ് താന്ത്രിക കര്മ്മങ്ങള് നടക്കുക. രാവിലെ മുതല് ഗണപതി ഹോമം, സുദര്ശന ഹോമം, മഹാ മൃത്യുഞ്ജയ ഹോമം, ദീപാരാധന, ലളിതാ സഹസ്ര നാമാര്ച്ചന, ഭഗവതി സേവ, ബ്രഹ്മ കലശ പൂജ, വിശേഷാല് പൂജകള് തുടങ്ങി നിരവധി പൂജാ കര്മ്മങ്ങള് നടക്കും.
ഡിസംബര് 4ന് ഗണപതി ഹോമം, രാവിലെ 6.30നും 7.20നും ഇടയില് പരികലശാഭിഷേക ആരംഭം, 11.30നും 12.30നും മദ്ധ്യേ ബ്രഹ്മ കലശാഭിഷേകം, വിശേഷാല് പൂജകള്, അന്നദാനം എന്നിവ നടക്കും. ഡിസംബര് 3ന് വൈകുന്നേരം 4 മണിക്ക് വിവിധ മഠങ്ങളിലെയും ആശ്രമങ്ങളിലെയും സന്യാസിമാരെ ആദരിക്കുന്ന സന്യാസി സംഗമവും നടക്കും. 18ന് ശതാബ്ദി ആഘോഷ സമാപന സമ്മേളനം നടക്കും.
